Prezıdent birqatar naqty tapsyrma berdi.
Memleket basshysyna Qazaqstannyń telekomýnıkasıa salasynyń qazirgi ahýaly, onyń mobıldi segmentiniń damýy, halyq pen bızneske kórsetiletin qyzmetterdiń sapasyn jaqsartý jáne onyń aıasyn keńeıtý jónindegi jumystar týraly baıandaldy, dep habarlaıdy Almaty-akshamy.kz Aqordanyń saıtyna silteme jasap.
Qasym-Jomart Toqaevqa 5G jelisin engizýdiń jáne sıfrlyq teńsizdikti odan ári tómendetýdiń perspektıvalary týraly málimet berildi. Sondaı-aq Qýanyshbek Esekeev Prezıdentke 2018-2020 jyldary aýyldyq jerlerde salynǵan optıkalyq-talshyqty magıstral bazasynda jergilikti jelilerdi salý boıynsha jobalardy júzege asyrý týraly aıtty. «Sıfrlyq seriktes» baǵdarlamasy aıasynda joǵary jyldamdyqty ınternetti árbir úıge jetkizý jobasyna jeke servıstik kompanıalar qosylǵan.
Sonymen qatar, Memleket basshysy kompanıanyń 2300 MGs dıapazonyndaǵy FWA (Fixed Wireless Access, tirkelgen symsyz baılanys) ozyq tehnologıasyn paıdalaný jónindegi josparymen tanysty.
Kezdesý qorytyndysy boıynsha Qasym-Jomart Toqaev kompanıanyń qala men aýyl arasyndaǵy sıfrlyq teńsizdikti tómendetý jónindegi qazirgi qyzmetine, sondaı-aq ulttyq telekom-operatordyń perspektıvasy bar jobalaryna qatysty birqatar naqty tapsyrma berdi.