Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq soty jabyq sot otyrysynda Ulyqbek Smanovqa qatysty qylmystyq isti qarady, dep habarlaıdy almaty-akshamy.kz
Qalalyq sottyń habarlaýynsha, mamandandyrylǵan aýdanaralyq sotta Qazaqstan Respýblıkasynyń Qylmystyq kodeksiniń 140-babynyń 2-bóligi (balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý) jáne QK-niń 110-babynyń 2-bóliginiń 1 jáne 2-tarmaqtary (azaptaý) boıynsha sotqa deıingi tergep-tekserý organynyń medısınalyq sıpattaǵy májbúrleý sharalaryn qoldaný týraly ótinishhaty qaraldy.
Sot-psıhıatrıalyq saraptamasynyń qorytyndysyna sáıkes, Ulyqbek Smanov sozylmaly psıhıkalyq aýrýmen aýyrady jáne óz áreketterin jasaý kezinde es-tússiz jaǵdaıda bolǵan. Bul jaǵdaı zań boıynsha qylmystyq jaýapkershilikti joqqa shyǵarady. Sot Qazaqstan Respýblıkasynyń Qylmystyq kodeksiniń 16-babyna sáıkes, Ulyqbek Smanovty qylmystyq jaýapkershilikten bosatyp, ony mamandandyrylǵan psıhıatrıalyq stasıonarda emdeýge májbúrleý sharalaryn taǵaıyndady.
Sonymen qatar, Qazaqstan Respýblıkasy Oqý-aǵartý mınıstrligine, Astana, Almaty jáne Shymkent qalalarynyń bilim basqarmalarynyń qorǵanshylyq jáne qamqorshylyq organdaryna, sondaı-aq Shymkent qalalyq polısıa departamentine balalardy psıhıkalyq aýrýmen aýyratyn adamnyń qamqorlyǵyna berý faktisi boıynsha jeke qaýlylar shyǵaryldy.
Qaýly zańdy kúshine engen joq.
Esterińizge sala ketse buǵan deıin Shymkentte balalarǵa jaýyzdyq tanytqan emshiniń qylmystyq ótken shaǵy jaıynda jazǵan edik.