Almatyda tutynýshylar quqyǵyna qatysty jıi oryn alatyn buzýshylyqtar ataldy
«Ulttyq tutynýshylar lıgasy» Respýblıkalyq qoǵamdyq birlestiginiń prezıdenti Svetlana Romanovskaıa Almaty qalasynyń Óńirlik komýnıkasıalar qyzmetiniń brıfıńinde satýshylar tutynýshylardy qalaı aldap-arbaıtynyn aıtty, dep habarlaıdy almaty-akshamy.kz.
Keń taralǵan quqyq buzýshylyqtar tizimine qyzmet kórsetý, jumystardy oryndaý jáne merzimder týraly sharttyń oryndalmaýy kirdi. Mysaly, tapsyrys berilgen jıhazdy ýaqytynda bermeıdi nemese jóndeý jumystaryn aıaqtamaıdy.
Svetlana Romanovskaıa ótken jyldyń 9 aıynda elimizdiń on óńirinde JOO bazasynda jumys istep turǵan «Tutynýshylardyń ulttyq lıgasy» 9 954 satyp alýshyǵa 2 458 379 537 teńgeni qaıtarýǵa kómekteskenin jetkizdi.
Lıgaǵa stýdentter, olardyń ata-analary men oqytýshylardan quralǵan 78 myń adam kiredi. Olar negizinen tutynýshylarǵa kómek kórsetedi.
«Tutynýshylardyń basym kópshiligi uıaly baılanys qyzmetterine, ınternettiń sapasyna, operatorlar azamattarǵa tarıfterdi ózgertetinin eskertpeı, birjaqty sheshim qabyldanatynyna jáne ózgerister jaıynda adamdar múldem habarsyzdyǵyna, tutynýshylarǵa qajet emes qyzmetti kúshtep usynatynyna shaǵymdanady. «Tutynýshylardyń quqyqtaryn qorǵaý týraly» Zańnyń 24-baby boıynsha, azamattardyń óz erkimen tańdaýǵa múmkindigi bar, eshkim olarǵa qajet emes nárseni tańýǵa quqyly emes», - deıdi Svetlana Romanovskaıa.
«Ulttyq tutynýshylar lıgasynda» satyp alýshylarǵa tehnıkalyq sıpattaǵy qyzmetterdi usynǵan kezde avtomobılderdi satýǵa qatysty máseleler kóteriledi. Iaǵnı, eger satyp alynǵan kóliktiń ıesi osy avtosalonda maıdy teksermese jáne aýystyrmasa, onda oǵan bul kólikke kepildik berilmeıdi. Bul shyn máninde adamdy jańylystyrý.
«Kóptegen adamdar bilmeıdi. Máselen, eger de tapsyrys berilgen jıhazdy ýaqtyly jetkizbegen bolsa, onda jetkizý merzimi aıaqtalǵan kezden bastap tutynýshy tólegen qunnan keshiktirilgen ár kún úshin 1% ósimpul alýǵa quqyly. Eger bir jyl boıy osy jıhazdy jetkizbese, onda satýshy 300% - dan astam ósimpul tóleýi kerek jáne bul ony kelisilgen kezdegi onyń sapasy men jaýapkershiliginen bosatpaıdy», - deıdi Romanovskaıa.
Ózińizdi josyqsyz satýshylardan qorǵaý úshin kelisimshartty durys jasaý óte mańyzdy. Mysaly, onda ónim jasalatyn materıaldyń artıkýlyn jazyp, ınternettegi pikirlerdi zertteý kerek.