Aýyl sharýashylyǵy kooperatıvterine 1 trln teńgege jýyq qarjy bólinedi. Bul týraly Parlament palatalarynyń birlesken otyrysynda Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparat-qa silteme jasap.
Sonymen qatar, aýyl-aımaqtardy keshendi túrde órkendetý asa mańyzdy. Elimizde birneshe jyldan beri «Aýyl – el besigi» jobasy júzege asyrylyp jatyr. Sonyń aıasynda 1 myńnan astam aýyldaǵy 3 700 nysan jańǵyrtyldy. Onyń bári – áleýmettik jáne ınjenerlik ınfraqurylym nysandary. Bul jumys bolashaqta da jalǵasady», - dedi Prezıdent.
Memleket basshysynyń atap ótýinshpe, bıyl taǵy 1,5 myńnan astam jobaǵa búdjetten 143 mıllıard teńge bólinedi.
«Men saılaý aldynda aýyldaǵy kásipkerlikti damytý qajettigi týraly anyq aıttym. Bul – mańyzdy mindettiń biri. Ony aýyl sharýashylyǵy kooperasıasy arqyly júzege asyrý kerek. Sol úshin «Aýyl amanaty» jobasy qolǵa alynady. Aýyl turǵyndaryna 5-7 jylǵa jyldyq ósimi 2,5 paıyz bolatyn shaǵyn nesıe beriledi. Aýyl sharýashylyǵy kooperatıvteri halyqqa qyzmet kórsetý jáne ónim ótkizý úshin qurylady. Olarǵa qural-jabdyq jáne tehnıka satyp alý úshin sýbsıdıa beriledi. Osy maqsatqa 1 trıllıonǵa jýyq teńge bólinedi», - dedi Qasym-Jomart Toqaev.