Premer-Mınıstr qarjyny ıgere almaı otyrǵan oblys ákimderin synǵa aldy.
Eldimekenderdi kórkeıtýi tıis joba qalaı iske asyp jatqany Úkimette qaraldy, dep habarlaıdy Almaty-akshamy.kz.
«Aýyl - el besigi» jobasyna sońǵy 3 jylda 326 mıllıard teńge bólingen. Bul aqshaǵa sý tartyp, jol salý sekildi 3,5 myńnan astam joba júzege asty. Bıyl da 800 aýyldy kórkeıtý úshin qomaqty qarjy bólingen. Dese de keıbir óńir ákimdikteri sol qolda bar aqshany ýaqytynda ıgere almaı otyr.
«Bólingen qarjyny ıgerý serpini Pavlodar, Aqtóbe jáne Qyzylorda oblystarynda jaqsy. Alaıda Almaty jáne Ulytaý oblystarynda deńgeı tómen. Búdjet qarajatyn tıimsiz josparlaý jáne paıdalaný, tenderlerdi ýaqytynda ótkizbeý, tıisti baqylaýdyń bolmaýy obektilerdi engizý merzimderiniń buzylýyna ákeledi», - deıdi QR Premer-Mınıstri Álıhan Smaıylov.
Máselen, ákimdikter isti sozbalańǵa salǵan soń Ulytaý oblysynda 4 aýylǵa qarasty aýrýhana áli kúnge deıin salynyp bitpegen. Al Soltústik Qazaqstandaǵy Músirepov aýdanynda nebary 53 shaqyrym joldyń qurylysy byltyr aıaqtalýy kerek edi. Alaıda jumystyń jartysy áli aıaqtalǵan joq.