Bul týraly Almaty qalasynyń ákimi Erbolat Dosaev Áýezov aýdany turǵyndarymen kezdesýinde aıtty.
Áýezov aýdanynda jalpy uzyndyǵy 12,8 km bolatyn 14 kóshe men ótpe joldar jóndeledi, dep habarlaıdy Almaty-akshamy.kz .
Jumys mamyrda bastalyp, qarasha aıynda aıaqtalady. Almatyda bıyl uzyndyǵy 200 km qalanyń 220 kóshesi ortasha jóndeýden ótedi.
- Ortalyqsyzdandyrý aıasynda bıyldan bastap joldardy aǵymdaǵy jóndeýdi aýdan ákimdikteri júrgizedi. Áýezov aýdanynda 23 myń sharshy metr jol jóndeledi. Jyl basynda aýdandaǵy únemi sý basatyn 7 problemalyq aýmaqtan tek ekeýi (Abaı dańǵyly, Momyshuly kóshesiniń boıy) qaldy. Naýryz aıynda olar joıylyp, Áýezov aýdanynyń ortalyq kóshelerindegi sý basý máselesi sheshildi, - dep aıtty qala ákimi.