Aýdandaǵy jol ınfraqurylymynyń sapasyn jaqsartý maqsatynda shuńqyrlardy jaýyp, joldardy ortasha jóndeý jumystary jalǵasady. Bul týraly qala turǵyndarymen kezdesýde shahar basshysy Erbolat Dosaev aıtty, dep habarlaıdy almaty-akshamy.kz
Bıylǵy jylǵa jalpy uzyndyǵy 12,8 shaqyrym bolatyn 14 kóshe men ótpe joldardy ortasha jóndeý josparlanǵan. Jumystar mamyr aıynda bastalyp, qarasha aıynda aıaqtalady.
Anyqtama úshin: 2023 jyly qalalyq mobıldilik basqarmasy qalanyń 220 kóshesinde uzyndyǵy 200 km jol jabynyn ortasha jóndeýdi josparlaǵan. Qazirgi ýaqytta vedimistik saraptamadan ótkizý jumystary júrgizilýde. Barlyq jobalar vedimistik saraptama portalyna júkteldi. Barlyǵy 26 joba, onyń 12-siniń oń qorytyndysy shyqty, 4-ýi Avtomobıl joldary komıtetinde, 4ý-i Astana sarapshylarynda, 3-ýi Jol aktıvteriniń ulttyq sapa ortalyǵynyń Almaty fılıalynda pysyqtalýda. Áýezov aýdany boıynsha oń qorytyndy alyndy. Qalalyq mobıldilik basqarmasy ortasha jóndeýge konkýrs jarıalaý úshin qujattar daıyndaýda. Áýezov aýdany boıynsha ortasha jóndeý jumystarynyń bastalýynyń boljamdy merzimi bıylǵy mamyr aıynyń sońyna josparlanýda.
Desentralızasıa sheńberinde bıylǵy jyldan bastap joldardy aǵymdaǵy jóndeýdi aýdan ákimdikteri júrgizetin bolady. Áýezov aýdany boıynsha somasy 250 mln. teńgege jalpy aýdany 23 myń m2 jóndeý josparlanǵan.
Jubanov kóshesin (Momyshuly kóshesinen qala shekarasyna deıin) uzartýǵa jobalaý-smetalyq qujattamanyń memlekettik saraptamasynyń oń qorytyndysy alyndy. Satyp alýǵa jatatyn 307 ýchaske anyqtaldy (2023 jylǵa arnalǵan satyp alý jospary – 50 ýchaske). Búginde merdiger uıymdy anyqtaý boıynsha konkýrstyq rásimder júrgizilýde
«Bul Áýezov aýdanynyń damýyna, kólik júktemesin aıtarlyqtaı azaıtýǵa jáne qoǵamdyq kólikpen qyzmet kórsetý sapasyn jaqsartýǵa yqpal etedi», – dedi qala ákimi Erbolat Dosaev turǵyndarmen kezdesýde.