Eldiń basym bóliginde qolaısyz aýa raıy boljanady
3 jeltoqsanda túnde Soltústik Qazaqstan oblysynyń soltústik-shyǵysynda jaıaý burqasyn soǵady, kóktaıǵaq bolýy múmkin. Túnde jáne tańerteń oblystyń batysynda tuman túsedi, dep habarlaıdy Almaty-akshamy.kz QazAqparatqa silteme jasap.
Ońtústik-batystan jel soǵady, oblystyń ońtústiginde, soltústik-shyǵysynda ekpini 15-20 m/s jetedi. Petropavlda erteń túnde kóktaıǵaq bolady. Ońtústik-batystan jel soǵady, kúndiz ekpini 15-20 m/s jetedi.
3 jeltoqsanda Aqtóbe oblysynyń soltústiginde tuman túsedi. 3 jeltoqsanda Aqmola oblysynyń shyǵys jartysynda jaıaý boran soǵady, kóktaıǵaq bolýy yqtımal. Oblystyń batysynda tuman túsýi múmkin. Batystan jel soǵady, oblystyń shyǵys jartysynda ekpini 15-20 m/s jetedi.
Kókshetaý erteń batystan jel soǵady, tańerteń jáne kúndiz ekpini 15-20 m/s jetedi. 3 jeltoqsanda Túrkistan oblysynyń batysynda, soltústiginde shańdy daýyl soǵýy yqtımal. Kúndiz taýly aýdandarda naızaǵaı jarqyldaıdy. Ońtústik-batystan, batystan jel soǵady, oblystyń batysynda, soltústiginde, taýly aýdandarynda jeldiń jyldamdyǵy 15-20 m/s jetedi, taýly aýdandarda ekpini 23 m/s bolady.
Shymkentte erteń ońtústik-batystan, batystan jyldamdyǵy 15-20 m/s jel soǵady. Túrkistan qalasynda erteń túnde jáne tańerteń shańdy daýyl soǵýy múmkin. Ońtústik-batystan, batystan soqqan jeldiń ekpini 15-20 m/s jetýi múmkin. 3 jeltoqsanda Mańǵystaý oblysynyń soltústiginde, batysynda tuman túsýi múmkin. Aqtaý qalasynda erteń túnde jáne tańerteń tuman túsedi. 3-5 jeltoqsanda Qyzylorda oblysynyń soltústiginde tuman túsýi múmkin.
3 jeltoqsanda Batys Qazaqstan oblysynyń soltústik-batysynda, soltústik-shyǵysynda tuman túsip, kóktaıǵaq bolýy múmkin. Oralda erteń kóktaıǵaq bolady. Túnde jáne tańerteń tuman túsýi yqtımal.