Adamnyń aty-jóni, tegi nemese ákesiniń aty kóńilinen shyqpaıtyn jaǵdaılar kezdesip jatady. Ol óz atyn basqasyna ózgerte ala ma? Ol úshin qaıda barý kerek? Bul týraly Almaty qalasy Ádilet departamentiniń ókilderi Óńirlik komýnıkasıalar qyzmetiniń brıfıńinde aıtty, dep habarlaıdy Almaty-akshamy.kz.
Almaty qalasy Ádilet departamentiniń basshysynyń orynbasary Zaýresh Sathojına «Neke (erli-zaıyptylyq) jáne otbasy týraly» QR Kodeksine ózgerister men tolyqtyrýlar engizilýine baılanysty týý, jasasý nemese nekeni buzý týraly tıisti aktilik jazbalarda atyn, ákesiniń atyn, tegin aýystyrýǵa baılanysty ózgertýge jatatyn málimetter týraly habarlady, aty-jónin ózgertý týraly qorytyndy negizinde engiziledi.
Bul rette, burynǵydaı aty-jónin ózgertý týraly akt jazbasy tirkelmeıdi jáne atyn, ákesiniń atyn, tegin ózgertý týraly kýálik berilmeıdi.
«Tirkeýshi organdar atyn, ákesiniń atyn, tegin aýystyrǵanyn rastaý úshin týý, nekeni qıý jáne buzý týraly tıisti kýálik beredi», – dedi spıker.
Atyn, ákesiniń atyn, tegin aýystyrý týraly ótinishti qaraýdy Qazaqstan Respýblıkasynyń Neke-otbasy zańnamasyna sáıkes Qazaqstannyń Tirkeýshi organy, shet elderdegi mekemesi júrgizedi.
Ótinishti 16 jastan asqan azamattar beredi, bul jasqa tolmaǵandar úshin ata-anasynyń qatysýy talap etiledi.
«Atyn, ákesiniń atyn, tegin aýystyrýdy tirkeýshi organdar on alty jasqa tolǵan, atyn jáne(nemese) ákesiniń atyn jáne(nemese) tegin aýystyrǵysy keletin adamnyń jeke ótinishi boıynsha júrgizedi», - dep naqtylady ol.
Atyn, ákesiniń atyn, tegin ózgertý ne túzetý úshin Qazaqstan Respýblıkasynyń aýmaǵyndaǵy kez kelgen tirkeýshi organǵa (AHAT) ótinishpen júginý qajet, sondaı-aq «Azamattarǵa arnalǵan úkimet» memlekettik korporasıasy KEAQ-ne ótinishti «elektrondyq úkimet»portaly arqyly elektrondyq nysanda jiberýge bolady.
Aty, ákesiniń aty, tegi ózgergennen keıin bir aı ishinde jeke kýálik pen pasportty ózgertý qajet.
Tegi, Aty, Ákesiniń aty qandaı negizder boıynsha ózgertilýi múmkin?
- aty, ákesiniń aty, tegi jaǵymsyz estilgen jaǵdaıda;
- atyn, ákesiniń atyn, tegin aıtýdyń qıyndyǵy;
- eger nekeni (erli-zaıyptylyqty) memlekettik tirkeý kezinde nekege deıingi teginde qalsa, jubaıynyń (zaıybynyń) jubaıymen (zaıybymen) ortaq tektes bolý tilegi;
- eger nekeni (erli-zaıyptylyqty) buzý kezinde bul týraly málimdelmese, nekege deıingi tegin alyp júrýge nıet bildirý;
- aldyńǵy nekeden (erli-zaıyptylyqtan) balalarmen ortaq tekti alǵysy kelse;
- jubaıy qaıtys bolǵan jaǵdaıda nekege deıingi famılıany al,ysy kelgen jaǵdaıda;
- jubaıy qaıtys bolǵan jaǵdaıda jáne eger ótinish berýshi nekege deıingi famılıada bolsa, balalarmen ortaq famılıa alǵysy kelse;
- ata-anasynyń bireýiniń (ata-anasynyń ár túrli ulty kezinde) ótinish berýshi tańdaǵan ultyna sáıkes keletin atyn jáne (nemese) tegin alyp júrýge tilek bildirý;
- ómirde is júzinde qalyptasqan, qujattardaǵy ataýynan ózgeshe esimdi alǵysy kelse;
- eger nekege turý (erli-zaıyptylyq) kezinde jubaıynyń tegi qabyldansa, nekege deıingi tegin alýǵa nıet;
- ulttyq dástúr boıynsha ákesiniń nemese atasynyń esimimen tegin ózgertkisi kelse;
- ótinish berýshini is júzinde tárbıelegen adamnyń tegi jáne aty boıynsha tegin jáne (nemese) ákesiniń atyn alyp júrýge tilek bildirý;
- jynysy hırýrgıalyq ózgergen kezde tańdalǵan jynysqa sáıkes keletin esimdi, ákesiniń atyn, tegin alǵysy kelgen jaǵdaıda.
Osylaısha, tegin, atyn, ákesiniń atyn ózgertý úshin olardyń ıesiniń qalaýy jetkiliksiz. Ol úshin joǵaryda atalǵan dáleldi sebepterdiń bireýiniń bolýy qajet.