Halyqaralyq saıys Osıek qalasynda ótip jatyr
Qorǵanys mınıstrligi Ortalyq sport klýbynyń sportshy-nusqaýshysy qatardaǵy jaýynger Ásem Orynbaı stendtik atýdan álem chempıonatynyń qola júldesine ıe boldy, dep habarlaıdy Almaty-akshamy.kz.
Halyqaralyq saıys osy kúnderi Horvatıa eliniń Osıek qalasynda ótip jatyr. Oǵan álemniń 77 elinen 650-den asa sportshy qatysýda.
«Skeet mix» aralas jattyǵýynda ásker sportshysy Ásem Orynbaı Edýard Eshenkomen birge Ulybrıtanıa men Italıadan kelgen qarsylastaryna ǵana ese jiberip, qola júlde jeńip aldy.
Ásem Orynbaı – 2018 jylǵy Azıa chempıonatynyń kúmis, 2021 jyly Kaırde ótken Álem kýbogynyń qola júldegeri, 2020 jyly Tokıoda ótken Olımpıada oıyndaryna qatysqan.