Kásibı daǵdyny qalyptastyrýdyń bir joly osy.
Qazaqstannyń Eńbek Eri, Halyq ártisi Asanáli Áshimov Prezıdent Qasym-Jomart Toqaevtyń qyrkúıektiń 1 kúni Qazaqstan halqyna jasaǵan Joldaýyna qatysty óz pikirin bildirdi,dep habarlaıdy Almaty-akshamy.kz.
«Men halqymyzdyń álem úlgi tutarlyq jaqsy qasıeti kóp bolǵanyn qalaımyn. HHİ ǵasyrdyń urpaǵy tereń bilimdi bolǵany jón. Jas býyndy erinbeı eńbek etýge beıimdeý qajet. Kásibı daǵdyny qalyptastyrýdyń bir joly osy.Qatań tártip, joǵary jaýapkershilik árbir eńbekkerdiń boıynda bolsyn.Biz sonda ǵana básekege qabiletti memleket, zıatker ult qalyptastyra alamyz. Osy mejeler júzege asýy úshin halyqtyń ál-aýqatyn da umytpaǵan durys. Eń tómengi jalaqy 2018 jyldan bastap óspedi.Muny Prezıdent Qasym-Jomart Toqaev joldaýynda naqtylap aıtty», – deıdi Asanáli Áshimov.
Joldaý barysynda Qazaqstan Prezıdenti Qasym-Jomart Toqaev eń tómengi jaqaly mólsheri ósetinin aıtqan bolatyn. Sonymen qatar 2022-2025 jyldary búdjetten qarjylandyrylatyn sala qyzmetkerleriniń jalaqysy jyl saıyn 20 paıyzǵa ósetinin aıtqan bolatyn.
«Halqymyz úshin zıaly qaýymnyń orny qashanda erekshe. Ult taǵdyry synǵa túsken sátte kózi ashyq azamattar árdaıym kósh bastaǵan. Adamdarǵa jón siltep, jastarǵa baǵyt-baǵdar bergen. El aǵalary bir aýyz sózben tentegin tyıyp, tektisin tórge otyrǵyzǵan. Biz qanymyzǵa sińgen osy qasıetten aıyrylmaýymyz qajet. Qazir ǵalamtor dáýiri. Ondaǵy beıbereket aqparat urpaqtyń sanasyn ýlap jatyr. Bir sáttik tanymaldyqty kórsetetin tamyrsyz ıdeıalar jappaı beleń alýda. Dál osy kezeńde ult zıalylarynyń ustanymy jáne belsendiligi aıryqsha mańyzdy. Zıalylardyń eńbegi marapatymen emes, salıqaly sózimen jáne naqty isimen baǵalanady.» - dedi Memleket basshysy búgingi joldaýynda.
Asanáli Áshimovtyń pikirinshe, bul óte oryndy, júıeli aıtylǵan .
«Osy talap údesinen shyǵý jasymyz ben kárimizdiń, qysqasy bárimizdiń mindetimiz...», dedi Asanáli Áshimov.