380 azamat ákimshilik jaýapkershilikke tartyldy.
Almaty polıseıleri «Ýchastok» atty respýblıkalyq jedel aldyn alý is-sharasyn júrgizip jatyr. Osy shara aıasynda olar 12 myń úıdi tekserdi, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, shara barysynda polısıada esepte turǵan 410 adam tekserildi. Turýǵa tıisti tirkeýsiz turǵyn úı berýdiń 340 faktisi anyqtalǵan, onyń ishinde ýaqytshasy da bar.
«Sonymen qatar, JAİ birinshi aptasynda turǵylyqty jeri boıynsha 259 sheteldik azamat tekserildi, kóshi -qon zańnamasyn buzýdyń 11 faktisi anyqtaldy. Sot sheshimimen eki adam elden shyǵaryldy, bes sheteldik azamattyń elde bolý merzimi qysqartyldy. Sondaı-aq, naqty turǵylyqty jeri joq 20-dan astam adam ustaldy, olardyń 15-i qabyldap-taratý bólimine ornalastyryldy. Sonymen qatar, kámeletke tolmaǵandardyń 95-i ustaldy, olardyń 25-i qoǵamdyq oryndarda alkogóldik sýsyndardy ishkeni úshin, zańdy ókilderinsiz júrgen segiz bala oıyn-saýyq mekemelerinde tabyldy. Qańǵybastyq pen qaıyrshylyq úshin 26 jasóspirim ustaldy, onyń 12-si kámeletke tolmaǵandardy beıimdeý ortalyǵyna ornalastyryldy», – dedi Almaty qalalyq PD jergilikti polısıa qyzmeti basqarmasynyń bastyǵy Manap Sattarov.
Mamandardyń aıtýynsha,jedel jaǵdaıdy jaqsartý, qoǵamdyq tártipti, jol qaýipsizdigin qamtamasyz etý, zańsyz kóshi-qondy jáne basqa da zańsyz áreketterdi aýyzdyqtaý maqsatynda Almaty qalasynyń aýmaǵynda aǵymdaǵy jyldyń 1 qyrkúıeginen 1 jeltoqsanyna deıingi aralyqta «Ýchastok» respýblıkalyq jedel aldyn alý is-sharasy júrgizilýde.
«İs-sharanyń negizgi mindeti – ákimshilik aımaqtardy úıden-úıge jáne aýlany aınalyp ótý, tirkeý isine turǵyndar týraly aqparatty engizý, İİO tirkelgen adamdarmen aldyn alý jumysyn júrgizý, sonymen qatar, zańsyz baǵdarlanǵan adamdar týraly jan-jaqty aqparat jınaý», – dep túsindirdi Sattarov.