Elimizdiń iri qalalarynda baspana baǵasy birshama tómendegen
Qazaqstanda baspana qunynyń tómendeýi baıqalyp otyr, dep habarlaıdy Almaty-akshamy.kz QazAqparat saıtyna silteme jasap.
Bul týraly Básekelestikti qorǵaý jáne damytý agenttiginiń tóraǵasy Serik Jumanǵarın málim etti.
«Búgingi tańda kezde bastapqy turǵyn úıge baǵalar 3 paıyzdan (bıylǵy qańtar) 0,4 paıyzǵa deıin (bıylǵy shilde), sondaı-aq qaıtalama turǵyn úıge 5 paıyzdan (qańtar) 1,1 paıyzǵa deıin (shilde) tómendegeni baıqaldy», - dedi S. Jumanǵarın Úkimet otyrysynda.
Onyń aıtýynsha, eskertýdi oryndaý aıasynda «RAMS-Qazaqstan» kompanıalar toby baǵalardy Almaty qalasynda birqatar turǵyn úı kesheninen sharshy metr úshin 15%-ǵa nemese 90 myń teńgege deıin, «BAZIS-A» kompanıasy Almaty qalasynda turǵyn úı keshenderine sharshy metr úshin 20 myń teńgege deıin, «BI Group» Nur-Sultan qalasynyń 51 keshende bastapqy turǵyn úıge orta eseppen 8 paıyzǵa, Almaty qalasynda - 11 %-ǵa, Shymkentte - 3 %-ǵa, Atyraýda - 4 %-ǵa tómendetti.
«Basqa qurylys salýshylar da habarlamalardy oryndap, baǵalardy orta eseppen 15-20%-ǵa tómendetti. Baǵalardyń tómendeý paıyzy orta eseppen 9%-dy, tómendeý serpini – sharshy metrge 10 000-den 125 000 teńgege deıin», - dedi agenttik basshysy.