Olar qazaqstandyqtardy jaǵdaıǵa túsinistikpen qaraýǵa shaqyrdy.
«ÓKM Operatory» JSHS-niń ornyna kelgen «Jasyl Damý» AQ ákimshiligi ýtıl alymyn qabyldaýdy ýaqytsha toqtatty, dep habarlaıdy Almaty-akshamy.kz Turkystan.kz silteme jasap.
Qazirgi ýaqytta «ÓKM Operatory» jaýapkershiligi shekteýli seriktestigine qatysty quzyrly organdar tekserý júrgizip jatqan kórinedi.
«Óndirýshilerdiń keńeıtilgen mindettemelerin basqarý fýnksıasyn burynǵy operatordan «Jasyl Damý» AQ basshylyǵyna berý prosesi tolyq aıaqtalǵan joq. Osyǵan baılanysty ýtıl alymdary men VETS/VESSSHT qabyldaý, eski jabdyqty kádege jaratýǵa jetkizgeni úshin ótemaqy tóleý, qaldyqtardy jınaýshylardy, tasymaldaýshylardy jáne óńdeýshilerdi sýbsıdıalaý jáne Ekologıalyq kodekste kózdelgen basqa da qyzmetter ýaqytsha toqtatylǵan», – delingen aksıonerlik qoǵamnyń baspasóz qyzmetiniń habarlamasynda.
Aksıonerlik qoǵam barlyq uıymdastyrýshylyq-quqyqtyq prosester aıaqtalyp, serverlik baǵdarlamalyq qamtamasyz etýge tolyq ruqsat alǵannan keıin barlyq mindettemelerin oryndaıtynyna sendirdi.
«Biz jurtshylyqty bul jaǵdaıǵa túsinistikpen qaraýdy jáne qyzmettiń qaıta jandanýyn kútýdi suraımyz. Aqparattyq júıeler boıynsha jumystyń bastalǵany keıinirek habarlanady», – dep tolyqtyrdy kompanıa ókilderi.