«Bolashaq» baǵdarlamasy boıynsha mamandardy daıarlaıtyn ýnıversıtetter tizimine 27 eldiń ýnıversıtetteri kirgen
«Bolashaq» baǵdarlamasy boıynsha mamandardy daıyndaıtyn oqý oryndary tizimine Reseıdiń jetekshi tehnıkalyq joǵary oqý oryndary engizildi, dep habarlaıdy Almaty-akshamy.kz
Endi tehnıkalyq baǵyttaǵy mamandardy daıyndaıtyn tizimde myna reseılik ýnıversıtetter bar:
- Baýman atyndaǵy Máskeý memlekettik tehnıkalyq ýnıversıteti;
- "Máskeý ınjenerlik fızıka ınstıtýty" Ulttyq zertteý ıadrolyq ýnıversıteti;
- Lomonosov atyndaǵy Máskeý memlekettik ýnıversıteti;
- Sankt-Peterbýrg memlekettik ýnıversıteti jáne Máskeý fızıka-tehnıkalyq ınstıtýty.
«Qazirgi ýaqytta mınıstrlik tizimge MIFI Ulttyq zertteý tehnıkalyq ýnıversıtetin jáne Ulttyq zertteý ýnıversıtetin engizý boıynsha jumys júrgizip jatyr», - dedi Bilim jáne ǵylym mınıstrligi ókilderi.
Mınıstrlik málimetinshe, tizimge 27 eldiń 200-den astam ýnıversıteti engen.
Sonymen qatar, Bilim jáne ǵylym mınıstrligi «Bolashaq» baǵdarlamasy basqa eldermen jáne ýnıversıtettermen mamandardy daıarlaý geografıasyn keńeıtetinin málimdedi.
«Byltyr biz geografıamyzdy tórt elmen keńeıttik, olardyń arasynda Avstrıa, Chehıa, Irlandıa jáne Ońtústik Afrıka bar. Sonymen birge, «Bolashaq» baǵdarlamasyna túsý múmkindikteri, mysaly, Garvard ýnıversıtetinde, Massachýsets tehnologıalyq ınstıtýtynda, Oksford ýnıversıtetinde nemese Prınston ýnıversıtetinde jáne t.b. burynǵysynsha qalatynyn túsiný kerek. Álemdegi 200-den astam joǵary oqý oryndarynyń tizimi taǵy birneshe bedeldi reseılik joǵary oqý oryndarymen tolyǵatyny túlekterge joǵary oqý oryndaryn tańdaýda odan da kóp múmkindikter berip, tehnıkalyq baǵyttaǵy mamandardy daıarlaýǵa qoljetimdilikti keńeıtedi. Sonymen qatar, biz mamandardy daıarlaýdyń tehnıkalyq baǵyttaryna basa nazar aýdaramyz», - dedi bilim jáne ǵylym vıse-mınıstri Qýanysh Erǵalıev.