Armenıa Premer-mınıstri Nıkol Pashınán Erevannyń UQSHU-ǵa músheligin toqtatqanyn málimdedi. Bul týraly Nıkol Pashınán France 24 telearnasyna bergen suhbatynda aıtty dep habarlaıdy almaty-akshamy.kz
Suhbatta Nıkol Pashınán Armenıaǵa qatysty ujymdyq qaýipsizdik týraly shart oryndalmaǵanyn atap ótti.
«Bizdiń oıymyzsha, Armenıaǵa qatysty ujymdyq qaýipsizdik týraly shart, ásirese, 2021-2022 jyldary oryndalmady. . Bul másele bizdiń nazarymyzsyz tys qalmady. Biz osy shartqa qatysýymyzdy toqtattyq. Ári qaraı ne bolatynyn kóreıik», - dedi Pashınán suhbatynda.
Armenıadaǵy Reseı áskerı bazasynyń jabylýy múmkin degen suraqqa Pashınán «qazirgi ýaqytta bul týraly áńgime joq» dep málimdedi.
Kerek derek
- Ujymdyq qaýipsizdik sharty jaıly uıym – táýelsiz memleketter dostastyǵynyń áskerı-saıası uıymy. 1992 jyly 15 mamyrda Tashkent qalasynda Armenıa, Qazaqstan, Qyrǵyzstan, Reseı, Tájikstan jáne Ózbekstan elderiniń qatysýymen quryldy.
- Qazir UQSHU-ǵa múshe memleketter: Armenıa, Belarýs, Qazaqstan, Qyrǵyzstan, Reseı jáne Tájikstan.
- Uıymǵa múshe-memleketterdiń qyzmetindegi basym baǵyttar: jańa transulttyq aıbattar men qaýipterge qarsy turý, qaqtyǵystardyń aldyn alý, halyqaralyq lańkestikpen, agressıvti ekstremızmmen, qarý men esirtkiniń zańsyz aınalymymen, uıymdasqan qylmyspen, jappaı qyryp-joıý qarýyn taratýmen kúres bolyp tabylady.