Almatyda «Daýys International» tobynyń eks-solısi Rano Omarova óz tańdaýyn jasady
Rano Omarova Dostyq dańǵyly boıyndaǵy №17 jalpy bilim beretin mekteptiń ýchaskesinde daýys berdi. Ánshi saılaý ýchaskesiniń jumysy men jastardyń belsendiligin erekshe atady.
«Menińshe, azamattyq jaýapkershilik artyp keledi, buǵan saılaý ýchaskesindegi saılaýshylardyń kóptigi dálel», - deıdi ánshi.
Rano saılaý komısıasyna jumysty uıymdastyrýdaǵy naqtylyq pen qyzmetkerlerdiń izgi nıeti úshin alǵysyn bildirdi.
«Kezek joq, bári túsinikti, árkim ózine júktelgen mindetti abyroımen atqaryp jatyr», – dep sózin túıindedi ánshi.