AQSH-ta áıgili reper Shon Kombs, ıaǵnı P. Diddy isi boıynsha sot úkimi shyqty, dep habarlaıdy Aqshamnews.kz tilshisi.
Mánhettenniń aýdandyq soty mýzykantty 4 jyl 2 aıǵa bas bostandyǵynan aıyrýǵa jáne 500 myń dollar aıyppul tóleýge úkim etti. Sonymen qatar, ol túrmeden shyqqannan keıin bes jyl boıy baqylaýda bolady.
Aıyptaý tarabynyń málimetinshe, reper uzaq jyldar boıy zorlyq-zombylyqpen aınalysqan qylmystyq top uıymdastyryp, eskort-qyzmet kórsetýshilerdi esirtki áserinde azǵyn áreketterge ıtermelegen.
P. Diddy eki bap boıynsha – jezókshelik uıymdastyrý isi boıynsha kináli dep tanyldy, biraq adam saýdasy jáne reket baptarynan aqtaldy.
Sot otyrysynda reper kóz jasyn tyıa almaı, jábirlenýshilerden keshirim surap, "bárinen aıyryldym, ózimdi jek kóremin" dep málimdedi. Onyń balalary men anasy sotta raqymshylyq surap sóz sóılegen.
Aqparat kózderiniń habarlaýynsha, oǵan túrmeden jaqsy minez-qulyq úshin merziminen buryn bosatylý múmkindigi bar — shamamen 2,5 jyldan keıin.
Aıta keteıik, Shon Kombs 2011 jyly Almatydaǵy №2 balalar úıine baryp, tárbıelenýshilermen kezdesken bolatyn.