Epıdemıa «vaksınalanbaǵan adamdar arasyndaǵy pandemıaǵa» aınaldy.
AQSH-ta COVID-19 juqtyrý kórsetkishi men adam ólimi artyp keledi. Jyldam taraıtyn «delta» shtamy juqtyrýshylar sanyn kóbeıtip, pandemıanyń jańa tolqynyn týǵyzdy, bul vaksınalanbaǵan adamdar arasynda jıi kezdesýde, dep habarlaıdy Almaty-akshamy.kz.
Vaksınasıa deńgeıi eń tómen tórt shtatta ótken aptada 40% ınfeksıa juqtyrý jaǵdaıy tirkelgen. Alaıda aýrýǵa shaldyǵýshylar sanynyń artýy barlyq 50 shtatta baıqalady, dep habarlaıdy Golosameriki.com.
Aýrýlardy baqylaý jáne aldyn alý ortalyǵynyń dırektory, doktor Roshel Valenskı juma kúni ótken aptada AQSH-ta kún saıyn orta eseppen 26 000 jańa koronavırýs jaǵdaıy tirkelgenin aıtty.
Onyń aıtýynsha, epıdemıa «vaksınalanbaǵan adamdar arasyndaǵy pandemıaǵa» aınaldy.
Keıin jumada prezıdent Djo Baıden «bizdegi pandemıa - vaksınalanbaǵan adamdar arasyndaǵy pandemıa» ekenin rastady.
Djons Hopkıns ýnıversıtetiniń koronavırýs boıynsha ortalyǵynyń senbi kúngi málimetine sensek, álemde COVID-19-dan 4 mıllıonnan astam ólim jaǵdaıy tirkelgen.
Zertteýshilerdiń derekterine sáıkes, 2020 jyldan bastap álem boıynsha jańa koronavırýsqa shaldyǵýdyń 189 mıllıonnan astam jaǵdaıy tirkelgen.