Aqorda baspasóz qyzmeti Qazaqstan halqyna Joldaý barysynda Prezıdent Qasym-Jomart Toqaevtyń qazaqstandyq áıelderge qatysty aıtqan sóziniń mánin keńinen túsindirdi, dep habarlaıdy Aqshamnews.kz.
Baspasóz qyzmeti atap ótkendeı, Joldaý aıasynda memleket basshysy kóptegen mańyzdy máselelerdi qozǵady.
"Ásirese memlekettiliktiń irgeli negizi retinde "Zań jáne Tártip" qaǵıdatyn saqtaýǵa erekshe nazar aýdaryldy", – delingen habarlamada.
Prezıdent joldaýda "Ókinishke qaraı, qoǵamdyq tártipti buzýshylar arasynda áıelder de bar" dep aıtqan edi. Búgin Aqorda osy sózge túsinikteme berdi.
Olardyń málimetinshe, bul sózdiń negizgi máni múlde basqasha.
"Bul kiná taǵý emes, kez kelgen adamǵa, jynysyna, jasyna nemese tegine qaramastan, qoǵamymyzǵa syılastyq mádenıetin qaıtarýǵa, dórekilik pen agresıadan bas tartýǵa shaqyrý. Kóshe, kezek, temirjol, ushaq jáne basqa da oryndarda bir-birine qurmetsizdik kórsetken jaǵdaılarǵa kýá bolamyz, biraq olar bizdiń mentalıtettiń bóligine aınalmaýǵa tıis", – dedi Aqorda.