Kelisimshart resmı túrde úzildi
«Aqjaıyq» fýtbol klýbynyń bas bapkeri, ýkraınalyq maman Vladımır Mazár qyzmetinen ketti, dep habarlaıdy Almaty-akshamy.kz «Aqjaıyq» fýtbol klýbynyń baspasóz qyzmetine silteme jasap. V.Mazármen kelisimshart resmı túrde úzildi. Oraldyq komanda V.Mazárǵa alǵysyn bildirip, aldaǵy qyzmetine sáttilik tiledi. Qazirgi kezde oıynshylardy ýaqytsha qazaqstandyq maman Alekseı Týgýshev jattyqtyrýda. Ol V.Mazárdyń jattyqtyrýshylar shtabynda qyzmet etti. Eske sala keteıik, budan buryn «Aqjaıyq» fýtbol klýbynyń bas bapkeri ornynda qalatyn bolǵanyn jazǵan edik. El birinshiliginde Almatyda «Qaırattan» 0:2 esebimen jeńilip qalǵannan keıin ýkraınalyq maman komandadan ketetinin málimdegen edi. Áıtse de fýtbolshylarmen kezdesken soń sheshimin ózgertip, qalatyn bolǵan. Onymen is ońalmady. 8 shilde kúni oraldyqtar Qazaqstan kýbogy úshin Qyzylorda qalasynda ótken oıynda birinshi lıgada óner kórsetetin «Qaısardan» taǵy utyldy. «Aqjaıyq» el kýbogy úshin kezdesýde 17 shilde kúni óz alańynda Aqtaýdyń «Kaspııin» qabyldaıdy.