Qazgıdromet mamandary Qazaqstannyń birneshe óńirinde daýyldy eskertý jarıalady, dep habarlaıdy aqshamnews.kz tilshisi.
Sınoptıkterdiń málimetinshe, eldiń ońtústik oblystarynda aptap ystyq saldarynan órt qaýpi joǵary bolsa, soltústik óńirlerde jaýyn-shashyn men naızaǵaı kútiledi.
Astana
7 maýsymda tańerteń jáne kúndiz naızaǵaı oınap, burshaq jaýýy yqtımal. Soltústik-shyǵystan, shyǵystan soǵatyn jeldiń ekpini – 15-20 m/s.
Almaty oblysy
Osy kúni kúndiz ońtústik jáne taýly aımaqtarda naızaǵaı kútiledi. Jel 15-20 m/s jyldamdyqpen soǵady. Aýa temperatýrasy 35 gradýsqa deıin kóteriledi. Oblystyń basym bóliginde, ásirese soltústik jáne batysynda joǵary órt qaýpi saqtalady.
Qonaev qalasynda da dál osyndaı jel kútilip, órt qaýpi joǵary bolady.
Jetisý oblysy
7 maýsymda kúndiz taýly aımaqtarda naızaǵaı bolady. Jel 15-20 m/s-qa jetedi. Aptap ystyq 35-39 gradýs aralyǵynda bolady. Oblystyń basym bóliginde joǵary, al soltústik pen shyǵysynda óte joǵary órt qaýpi boljanady.
Taldyqorǵanda ońtústik-batystan soǵatyn jeldiń ekpini 15-20 m/s.
Aqmola oblysy
Batys, soltústik jáne shyǵys óńirlerde nóser jańbyr, burshaq jáne burqasyn kútiledi. Jel 15-20 m/s. Oblystyń kóp bóliginde naızaǵaı boljanady. Birqatar aımaqtarda joǵary órt qaýpi bar.
Kókshetaýda kúndiz burshaq jaýyp, naızaǵaı oınaýy múmkin.
Aqtóbe oblysy
Túnde naızaǵaı, keı jerlerde burshaq jaýýy yqtımal. Jel ekpini 15-20 m/s. Ońtústik-shyǵys, ońtústik jáne batys bólikterinde óte joǵary órt qaýpi saqtalady.
Aqtóbede naızaǵaı men jel kútiledi.
Batys Qazaqstan oblysy
Túngi ýaqytta oblystyń ońtústigi men shyǵysynda naızaǵaı boljanady. Jel 15-20 m/s. Keı jerlerde asa joǵary órt qaýpi bar.
Qyzylorda oblysy
Oblystyń ár aımaǵynda naızaǵaı, burshaq jáne shańdy daýyl kútiledi. Jel 15-20 m/s. Tótenshe órt qaýpi saqtalady.
Qyzylorda qalasynda naızaǵaı men jel bolady, shańdy daýyl soǵady.
Atyraý oblysy
Keı jerlerde qatty jańbyr men burshaq, túnde naızaǵaı jáne jel bolady. Oblystyń túrli bólikterinde óte joǵary órt qaýpi kútiledi.
Atyraýda naızaǵaı jáne óte joǵary órt qaýpi boljanady.
Abaı oblysy
Ońtústiginde kúndiz 38 gradýsqa deıin ystyq. Oblystyń basqa bólikterinde joǵary, al ońtústiginde óte joǵary órt qaýpi saqtalady.
Shyǵys Qazaqstan oblysy
Kúndiz 35 gradýsqa deıin ystyq. Batys jáne ońtústik-shyǵysynda joǵary órt qaýpi bar.
Qostanaı oblysy
Kúndiz ońtústiginde qatty jańbyr, naızaǵaı men burshaq boljanady. Jel 15-20 m/s. Keı jerlerde tótenshe órt qaýpi bar.
Qostanaıda jel kúsheıip, órt qaýpi joǵary bolady.
Pavlodar oblysy
Birqatar aýdandarda naızaǵaı oınaıdy. Jel ekpini 15-20 m/s. Oblystyń túrli bólikterinde joǵary órt qaýpi saqtalady.
Pavlodarda naızaǵaı kútilip, órt qaýpi joǵary bolady.
Mańǵystaý oblysy
Batysy men soltústiginde qatty jańbyr jáne naızaǵaı kútiledi. Jel 15-20 m/s. Oblystyń kóp bóliginde asa joǵary órt qaýpi bar.
Aqtaýda qatty jańbyr jaýyp, naızaǵaı oınaıdy. Jel ekpini – 15-18 m/s.
Ulytaý oblysy
Soltústik, shyǵys jáne ortalyq aımaqtarda naızaǵaı men burshaq bolýy múmkin. Jel 15-20 m/s. Kóp óńirde joǵary, al ońtústikte óte joǵary órt qaýpi bar.
Jezqazǵanda naızaǵaı men burshaq kútiledi. Jel – 16 m/s.
Soltústik Qazaqstan oblysy
Shyǵysynda nóser jaýyn. Batys, ońtústik jáne shyǵysynda naızaǵaı men burshaq. Tańerteń tuman. Jel 23-28 m/s-qa deıin kúsheıedi.
Petropavlda tuman, jel – 25 m/s.
Jambyl oblysy
Batys, ońtústik jáne taýly aımaqtarda naızaǵaı, jel bolady. Kóp bóliginde joǵary, taýly jáne shyǵys aýdandarda óte joǵary órt qaýpi bar.
Tarazda naızaǵaı jáne órt qaýpi saqtalady.
Túrkistan oblysy
Ońtústigi men taýly óńirlerde naızaǵaı, al batysy men soltústiginde shańdy daýyl soǵady. Jel 15-23 m/s. Oblystyń birneshe aımaǵynda óte joǵary órt qaýpi bar.
Túrkistanda shańdy daýyl men kúshti jel kútiledi.
Shymkentte túnde jáne tańerteń naızaǵaı jáne jel kútiledi. Tótenshe órt qaýpi saqtalady.