Atyraý oblysy Qulsaryda 7 jasar qyzdy óltirdi degen kúdikpen 36 jastaǵy er adam ustaldy, - dep habarlaıdy aqshamnews.kz tilshisi.
5 maýsymda shamamen saǵat 12:00-de Qulsaryda 2018 jyly týǵan qyz úıinen shyǵyp ketip, qaıta oralmaǵan. Onyń ata-anasy birden polısıaǵa júgingen.
Jedel-izdestirý is-sharalarynyń nátıjesinde 6 maýsymda túngi saǵat 02:19 shamasynda balanyń denesi Qursaı ózeginen tabyldy.
Balany óltirdi degen kúdikpen Qulsarynyń 36 jastaǵy turǵyny jedel ustaldy. Ol ýaqytsha ustaý ızolátoryna qamalyp, sot sanksıasymen qamaýǵa alyndy.
Bul derek boıynsha qylmystyq is qozǵaldy. Qazir oqıǵanyń barlyq mán-jaıyn anyqtaý maqsatynda tergeý júrgizilip jatyr.
Polısıa mundaı aýyr qylmystar úshin zańda eń qatań jaza qarastyrylǵanyn eskertedi.
Qylmystyq istiń tergelýi Atyraý oblystyq Polısıa departamenti bastyǵynyń erekshe baqylaýynda.