Qyrǵyzstan aýmaǵynda bolǵan jer silkinisi Almatyda sezildi, dep habarlaıdy aqshamnews.kz tilshisi.
Bul aqparatty Ulttyq seısmologıalyq baqylaýlar jáne zertteýler ǵylymı ortalyǵy usyndy. Mamandardyń aıtýynsha, jer dúmpýi 7 maýsymda saǵat 08:33-te tirkelgen.
"2025 jylǵy 7 maýsymda Astana ýaqytymen tańǵy saǵat 08:33-te seısmıkalyq stansalar jelisi jer silkinisin tirkedi. Onyń koordınattary: 41.008 N, 75.278 E", – delingen resmı habarlamada.
Jerasty dúmpýiniń epısentri Qyrǵyzstan aýmaǵynda, Almatydan ońtústik-batysqa qaraı 279 shaqyrym jerde ornalasqan.
Tótenshe jaǵdaılar mınıstrliginiń dereginshe, Almatyda jer silkinisi eki bal shamasynda sezilgen. Zardap shekkender týraly málimet túsken joq.