Sybaılas jemqorlyqqa qarsy is-qımyl agenttigi Jetisý oblysy boıynsha departamentiniń ókilderi mektepte aqsha jınaý faktileri týraly habarlaýdy surady, dep habarlaıdy Almaty-akshamy.kz. QazAqparatqa silteme jasap.
«Oqý jylynyń aıaqtalýyna baılanysty, bilim berý mekemelerinde túlekter keshin uıymdastyrý josparlanady. Sondaı-aq muǵalimderge syılyqtar alý úshin aqsha jınaý qaýpi bar. Osyǵan oraı azamattarǵa mundaı áreketterge barý zańmen qatań tyıym salynǵanyn aıta ketý mańyzdy.
QR «Sybaılas jemqorlyqqa qarsy» Zańynyń 22-baby 1-1 tarmaǵyna sáıkes memlekettik organdardyń, uıymdardyń, kvazımemlekettik sektor sýbektileriniń basshylary baǵynysty qyzmetkerlerdiń sybaılas jemqorlyq quqyqbuzýshylyqtar jasaýynyń aldyn alý jónindegi laýazymdyq mindetterin oryndamaǵany nemese tıisinshe oryndamaǵany úshin jaýapqa tartylatynyn eskertemiz«, - delingen vedomstvo habarlamasynda.
Ata-analardan nemese qyzmetkerlerden aqsha jınaý faktileri nemese basqa da sybaılas jemqorlyq kórinisteri týraly 1424 Call-ortalyǵyna habarlaýǵa bolady.
«Azamattardyń barlyq ótinishteri mindetti túrde qaralady. Barlyq qajetti sharalar qabyldanatyn bolady», - delingen vedomstvo málimetinde.