Antalıa 29 jyldan beri alǵash ret qar astynda qaldy
Túrkıa qalalary – Antalıaǵa 29, Marmarıske 13 jyldan keıin alǵash ret qar túsip, qolaısyz aýa raıy turǵyndar men jolaýshylardy ábigerge salýda, dep habarlaıdy Almaty-akshamy.kz
Ásirese, Ystambulda jaǵdaı ýshyqqan.
Qalyń jaýǵan qar saldarynan 24 qańtardan beri júrgizýshiler jolda túnep, megapolıske bet alǵan ushaqtardyń deni kórshi provınsıalarǵa qonǵan.
Saldarynan Aq teńiz jaǵalaýyn bir-birimen baılanystyratyn jol jabylyp, qozǵalys túgeldeı toqtap qalǵan. Odan bólek, Ystambul turǵyndary kólikterin qar qursaýynan shyǵara almaı álek bolǵan.
Osyǵan baılanysty qala gýbernatorlyǵy jeke kólikterdiń tysqa shyǵýyna shekteý qoıǵan. Megapolıste qaýipsizdik, densaýlyq jáne tasymal qyzmetkerlerinen basqa barlyq jumysshylarǵa demalys berilgen.
«Qardyń qalyńdyǵy 80 sm jetken aımaqtar bar. Keıbir aýdandarda 1 metrden asty. Azamattarymyzdan eskertýlerimizdi qatań saqtaýlaryn suraımyz», – deıdi Ystambul meri Ekrem Imamoǵlu.
Dese de, ondaǵan jyldan beri qalyń qardy kórmegen jurt syrtqa shyǵyp, qar atysyp oınap júr.