Álemge tanymal óner ıesi Aýǵanstan ahýalyn áleýmettik jelide jarıalamaq.
BUU-nyń bosqyndar isi jónindegi izgi nıet elshisi Andjelına Djolı Aýǵanstandaǵy ahýalǵa nazar aýdartý úshin Instagram-da paraqsha ashty, dep habarlaıdy Almaty-akshamy.kz QazAqparat-qa silteme jasap.
Djolı juma kúni ashqan paraqshasynda aty-jóni men mekenjaıyn búrkemelegen aýǵan qyzynyń hatyn jarıa etti. Qyz hatynda tálibterdiń bıligi kezinde óziniń ómirine alańdaıtynyn jáne qorqatyndyǵyn jazady. «Tálibter basyp alǵanǵa deıin quqyǵymyz boldy. Quqymyzdy erkin qorǵaı da alatyn edik. Olar kelgennen keıin barlyǵymyz da qorqyp otyrmyz ári búkil armanymyzdyń kúli kókke ushady dep oılaımyz», - deıdi aýǵan qyzy hatynda.