«Ana úıi» analardyń 1,5 jasqa deıingi balalardan bas tartýyna jol bermeıdi
Almaty Óńirlik komýnıkasıalar qyzmetiniń alańynda «Ana úıi» («Dom mamy») qoǵamdyq qory ókilderiniń qatysýymen baspasóz konferensıasy ótti. Jobanyń arqasynda elimizde áleýmettik jetimdiktiń aldyn alady jáne balalar úılerin azaıtady.
«Ana úıi» qoǵamdyq qorynyń atqarýshy dırektory Ajarqul Qylyshbaeva olardyń uıymy 9 jyldan beri jumys istep kele jatqanyn habarlady.
«Biz úsh negizgi baǵyt boıynsha jumys júrgizip jatyrmyz: áleýmettik jetimdiktiń aldyn alý, balalardy otbasyna ornalastyrý jáne balalar ınternat mekemelerin transformasıalaý. «Ana úıiniń» daǵdarys ortalyqtary búginde elimiz boıynsha 21 óńirde ashylǵan. Olarǵa kire otyryp, áıelder qorǵalady, osylaısha analardyń 1,5 jasqa deıingi balalardan bas tartýyna jol berilmeıdi», - dedi A.Qylyshbaeva.
Analar úıleriniń jumysy kezinde 5 934 áıel der kezinde qordan ataýly áleýmettik kómek aldy, olardyń balalary balalar úılerine túspeı, otbasylarynda qaldy.
Analar úıiniń jumysy balalar ınternattyq mekemelerindegi balalar sanyn – 2013 jylǵy 10 myńnan 2016 jyly 7 myńǵa deıin qysqartýǵa múmkindik berdi. Alaıda bul Qazaqstandaǵy jetimdik máselesin sheshý úshin jetkiliksiz boldy.
Budan ózge, 2016 jyly taǵy bir baǵyt – bala asyrap alý jónindegi agenttik iske qosyldy, onyń mısıasy – kásiptik daıarlaý, bala asyrap alǵan otbasylarǵa baǵdar berý jáne qazaqstandyq qoǵamda bala asyrap alý mádenıetin damytý.
Búginde Agenttik jumysynyń nátıjeleri - bul 14,5 myń keńes berilgen azamattar jáne otbasyn tapqan 1660 bala.