Qalalyq ákimshiliktiń qoldaýymen 2012 jyldan beri dástúrge aınalǵan «Úzdik pedagog» baıqaýy bıyl onynshy ret ótkizilip otyr.
Alaıda, álemdik indetke baılanysty eki kezeńnen turatyn dástúrli «Úzdik pedagog» baıqaýy onlaın rejıminde ótkizildi, dep habarlaıdy Almaty-akshamy.kz
Atalmysh baıqaýdyń basty maqsaty pedagog mártebesin kóterip, bilim berý salasynda joǵary jetistikterge jetken pedagogterdi anyqtap, olardyń eńbegin baǵalaý. Sondyqtan, baıqaýǵa qatysyp, baǵyn synaǵysy kelgender sany óte kóp boldy.
Bıyl baıqaýǵa 189 mektepke deıingi tárbıe men oqytý uıymdarynan – 76 tárbıeshi men 207 orta bilim berý uıymdarynan – 88 muǵalim, 21 kolejden 21 pedagog baıqaýǵa qatysýǵa nıet bildirdi.
Alǵashqy kezeńge qatysqan 185 pedagogtiń 17-i qalalyq kezeńge joldama aldy.
Konkýrstyń qazylar alqasynyń quramynda pedagogıkalyq joǵary oqý oryndarynyń ǵalymdarynan, pedagogterdiń qalalyq «Ustaz» kásipodaq uıymynyń tóraǵasy, ónerkásipshiler jáne jumys berýshiler odaǵynyń basshylyǵy, tájirıbeli pedagogter «Úzdik pedagog» baıqaýlarynyń jeńimpazdarynan jáne buqaralyq aqparat quraldarynyń ókilderi boldy.
Qalalyq konkýrstyń qorytyndysy boıynsha balabaqshalardan, mektepterden jáne kolejderden qatysqan pedagog qyzmetkerlerge I, II, III oryndar anyqtaldy:
- I oryn – 1 muǵalim, 1 arnaıy pánder oqytýshysy;
- II oryn – 1 muǵalim, 1 tárbıeshi;
- III oryn –3 muǵalim, 2 tárbıeshi.
Jeńimpazdardyń esimderi pedagog qyzmetkerlerdiń tamyz konferensıasynda jarıa bolyp, marapattalatyn bolady.
Konkýrsta I oryn alǵan eki pedagogke «Úzdik pedagog» ataǵy beriledi.
Sonymen qatar, I oryn alǵan eki «Úzdik pedagog» ıegerine jergilikti búdjet esebinen aılyq eseptik kórsetkishtiń 300 eselengen mólsherinde syıaqy tólenedi.