114 kóshege jańa trotýarlar salyndy
Aǵymdaǵy kezeńdegi jóndeý naýqanynyń qorytyndylary týraly aýdan ákimi Baqytjan Aqjarov Óńirlik komýnıkasıalar qyzmetinde ótken baspasóz konferensıasynda aıtyp berdi, dep habarlaıdy Almaty-akshamy.kz.
2016 jyldan bastap 2021 jylǵa deıin jol jóndeýshiler 100 kóshede asfáltty jóndep, 70 shaqyrymnan astam joldy retke keltirdi.
Baqytjan Aqjarov aýdanda jol ınfraqurylymyn damytý jyl saıyn júrgizilip jatqanyn atap ótti. Mysaly, bıyl jalpy uzyndyǵy 15,3 km bolatyn 21 kóshedegi joldarǵa ortasha jóndeý júrgizildi.
«Bıyl Nurshashqan, Álmerek jáne Qaırat shaǵyn aýdandarynyń 149 kóshesinde jol jabynynyń kúrdeli qurylysy boıynsha jumystar aıaqtaldy», - dedi aýdan ákimi.
Sonymen qatar, 114 kóshege jańa trotýarlar salyndy. Bıyl olar 11 kóshede jasaldy, jalpy uzyndyǵy – 9,5 km.
2022 jyly Buqtyrma kóshesi men Qulja traktisiniń qıylysyndaǵy kólik jolaıryǵynyń qurylysyn aıaqtaý josparlanýda. Qazirgi kezde eki estakadanyń birinde avtokólik qozǵalysy iske qosyldy, bul osy ýchaskedegi júktemeni azaıtýǵa múmkindik berdi.
Aýdan ákimdigi kóshelerdi jaryqtandyrýǵa erekshe nazar aýdarady. Ótken jyly 614 ýchaskege aǵymdaǵy jóndeý júrgizildi, 338,5 km kabel tartyldy, 8 463 birlik kronshteınder men shamdar ornatyldy. Osy jyldyń sońyna deıin 91 ýchaskeni jaryqtandyrý boıynsha jumystardy aıaqtaý josparlanýda.
«Almaty Qala Jaryq» syrtqy jaryqtandyrý jelilerin modernızasıalaý aıasynda Jansúgirov kóshesi men Qapshaǵaı kópiri boıyna jalpy uzyndyǵy 7 km 258 jaryqtandyrý tirekterin ornatý jumystary aıaqtaldy.
Aǵymdaǵy jyldyń sońyna deıin aýdannyń jaryǵy joq 91 ýchaskesin jaryqtandyrý josparlanýda.