Fransıada úsh myńǵa jýyq medısına qyzmetkeri jumystan shettetildi. Olardyń barlyǵy bir sebeppen – koronavırýsqa qarsy vaksınalanbaǵandary úshin shyǵaryldy, dep habarlady almaty-akshamy.kz QazAqparatqa silteme jasap.
Úkimettiń dárigerler úshin mindetti ekpe jasaý týraly ókimi birneshe apta buryn belgili bolǵan. Alaıda kópshilik bıliktiń sózden iske kóshetinine tolyq senbedi.
Kásipodaqtar kadr tapshylyǵy máselesin aıtýda. Bılik jaǵdaı baqylaýda dep sendiredi. Biraq keıbir aýrýhanalarda shuǵyl sharalar qabyldaýǵa týra keldi.
«Biz bólimshelerdiń seksıalaryn jabamyz, shtattan tys qyzmetkerlerdi tartamyz, medısına qyzmetkerlerinen artyq jumys isteýdi suraımyz», - dedi jergilikti emhanalardyń biriniń ókili.
Úsh myń medısına qyzmetkeriniń kelisimshartyn ýaqytsha toqtatý – bul jalpy Eýropa úshin buryn-sońdy bolmaǵan jaǵdaı.