Almatyda maýsymnyń basynan bastap HQKO men arnaıy HQKO-larda ózgerister bolady, dep habarlaıdy aqshamnews.kz "Azamattarǵa arnalǵan úkimet" fılıalyna silteme jasap.
Olar 20:00-ge deıin jáne senbi kúnderi jumys isteıdi. Málimetke sáıkes, kezekshilik keste boıynsha kelesi mekenjaılardaǵy HQKO-lar jumys isteıdi:
Áýezov aýdany bólimi – Jandosov kóshesi, 51;
Naýryzbaı aýdany bólimi – Shuǵyla shaǵynaýdany, 347/1;
Túrksib aýdany bólimi – Rıhard Zorge kóshesi, 9.
Sonymen qatar, azamattardy eki kezekshi mamandandyrylǵan HQKO qabyldaıdy:
Saıaly shaǵynaýdany – Aqqaınar kóshesi, 1;
Kemel shaǵynaýdany – Aqsýat kóshesi, 118.
Kezekshi HQKO-lar jumys kúnderi 9:00-den 20:00-ge deıin, senbi kúni 9:00-den 13:00-ke deıin jumys isteıdi.
"Kezekshi mamandandyrylǵan HQKO-lar jumys kúnderi ótinishterdi 09:00-den 18:00-ge deıin qabyldaıdy, daıyn qujattar 20:00-ge deıin beriledi. Senbi kúnderi ótinishter 09:00-den 12:00-ge deıin qabyldanyp, daıyn qujattar 13:00-ke deıin beriledi", – delingen habarlamada.
Sonymen qatar, qalǵan barlyq HQKO jáne arnaıy HQKO-lar standartty keste boıynsha jumys isteıdi: dúısenbiden jumaǵa deıin, 9:00-den 18:00-ge deıin, senbi – demalys kúni.
"Birqatar memlekettik qyzmetterdi onlaın túrde de alýǵa bolady – elektrondyq úkimet portaly, "SON" mobıldi qosymshasy jáne ekinshi deńgeıli bankterdiń qosymshalary arqyly", – dep naqtylady habarlamada.