Bul týraly OKQ brıfıńinde Almaty ákimi Erbolat Dosaev málimdedi. Qala basshysy jýrnalıserge áleýmettik mekemelerde – birinshi kezekte mektep, balabaqsha, ınternattarda qaýipsizdikti qamtamasyz etý úshin qandaı aldyn alý sharalary qoldanylatyny týraly aıtyp berdi.
"Jyl saıyn Almaty qalasynyń TJD barlyq aýdandar boıynsha bilim berý uıymdaryna josparly tekserý júrgiziledi. Sońǵy tekserý 2023 jyldyń kókteminde ótti. Zańbuzýshylyqtar anyqtalǵan joq. Búgingi tańda qalanyń barlyq mektepterinde órtke qarsy dabyl ornatyldy, dırektorlardyń buıryǵymen órtke qarsy qaýipsizdikti saqtaýǵa jaýapty adamdar taǵaıyndaldy", - dep tolyqtyrdy sózin Erbolat Dosaev.
Qazirgi ýaqytta Almatynyń 209 mektebinde, 186 balabaqshasy men 8 ınternatynda qaýipsizdiktiń keshendi júıelerimen qamtamasyz etý boıynsha jumystar júrgizilýde: barlyq beınebaqylaý kameralaryn jańartý, polısıa departamentiniń jedel basqarý ortalyǵymen ıntegrasıamen dabyl túımelerin qosý, týrnıketter men kúzet-órt dabyldaryn ornatý. Jumystar bıylǵy jyldyń jeltoqsan aıynyń sońyna deıin aıaqtalady.