Jalpy shyǵyn kólemi - 20,4 mlrd teńge.
Áýezov jáne Bostandyq aýdandaryna da úlken zalal keldi. Bul týraly Almaty qalasynyń ákimi Baqytjan Saǵyntaevqa Almatynyń tynys-tirshiligin qalpyna keltirý jónindegi qalalyq shtab otyrysy barysynda ákimniń orynbasary İlıas Óserov habarlady, dep habarlaıdy Almaty-akshamy.kz
Almaly aýdanynda kelesi nysandar zardap shekti: 7 azyq-túlik dúkeni 13,7 mln teńgege, 284 azyq-túlik emes dúkeni 8336 mln teńgege, 2 qarý-jaraq dúkeni 5150 mln teńgege, 15 qoǵamdyq tamaqtaný nysany 158 mln teńgege, 35 lombar 2625 mln teńgege, 5 JQS 52,5 mln teńgege, 25 qarjy uıymy 145 mln teńgege, 29 iri bıznes nysany 3965 mln teńgege, t.b. zardap shekti, jalpy shyǵyn 20,4 mlrd teńgeni qurady.
Áýezov aýdanynda 153 dúken, onyń ishinde 1 qarý-jaraq, 9 qoǵamdyq tamaqtaný orny, 21 JQS, 11 lombard jáne 10 iri bıznes nysany qırady. Jalpy shyǵyn 20,1 mlrd teńgege baǵalanady.
Bostandyq aýdanyndaǵy nysandar 17,3 mlrd teńgege shyǵynǵa ushyrady.
İ. Óserovtyń aıtýynsha, eń az shyǵyn Naýryzbaı aýdanynda – 72,5 mln teńge.
Qalalyq shtab otyrysynda sóz sóılegen ákim orynbasary zardap shekken nysandar boıynsha derekterdi jınaý jumystary jalǵasyp jatqanyn, sonyń ishinde jergilikti jerge baryp, jınaqtalýda ekenin atap ótti. Baǵalaý kásipkerlerdiń aqparaty negizinde, ıaǵnı sarapshylardy tarta otyryp, tolyqqandy aýdıt júrgizbeı júzege asyryldy.
«Belgili bolǵandaı, qazirgi ýaqytta Úkimet zalaldy baǵalaý jáne óteý tetigin ázirleýde. Bul qujatta óteý somasyn anyqtaý ádistemesi, komısıalar men baǵalaýshylardyń jumys tártibi, sondaı-aq basqa da rásimder reglamentteletin bolady», - dep atap ótti İ. Óserov.
Ótinimderdi berý saıt arqyly júzege asyrylady dep kútilýde infokazakhstan.kz («Atameken» UKP ákimshisi, saıt tehnıkalyq turǵyda daıyn). Ótinimge kásipkerler tetikte kórsetiletin qujattar paketin, onyń ishinde zalal faktisi boıynsha qylmystyq is qozǵaý týraly habarlamany qosa berýi kerek.
Esepteýler zalaldyń 3 sanaty boıynsha júrgiziledi: jyljymaıtyn múlik, jyljymaly múlik jáne jabdyqtar men taýarlar.
Budan ári ótinimderdi aýdandyq komısıa qaraıdy. Onyń quramyna máslıhat, ákimdik, kásipkerler palatasy jáne qoǵamdyq birlestikter ókilderin qosý josparlanýda. Budan ári barlyq rastaıtyn qujattar men baǵalaý nátıjeleriniń negizinde komısıa zalaldy óteý týraly sheshim qabyldaıtyn bolady.