Almatyda dárihanalar shtattyq rejımde jumys isteıdi
Almaty qalasynyń kásipkerlik jáne ınvestısıalar basqarmasynyń basshysy Erkebulan Orazalın Almatynyń tynys-tirshiligin qalpyna keltirý jónindegi qalalyq shtab otyrysy barysynda megapolısti dári-dármektermen jáne medısınalyq maqsattaǵy buıymdarmen qamtamasyz etý týraly baıandady, dep habarlaıdy Almaty-akshamy.kz
Almatydaǵy 975 dárihananyń 920-y (95%) shtattyq rejımde jumys isteıdi. Orazalınniń aıtýynsha, búginde olardyń barlyǵy derlik qajetti dári-dármektermen jáne medısınalyq maqsattaǵy buıymdarmen tolyq qamtamasyz etilgen.
«Aǵymdaǵy jyly turaqtandyrý qory arqyly dárilik zattardy satyp alý tetigi uzartyldy. Osylaısha, qalanyń bólshek saýda jelileri úshin negizgi jetkizýshiler «Inkar» JSHS, «MFK BIOLA» JSHS jáne «KFK Medservıs Plús» JSHS bolyp tabylady, olarmen satyp alý úshin shart jasaldy. Jetkizýdiń jalpy kólemi 9,2 mln teńgeni quraıdy», - dedi kásipkerlik jáne ınvestısıalar basqarmasynyń basshysy.
Sonymen qatar, ol osy kompanıalardyń qoımalaryndaǵy dárilik zattar men medısınalyq maqsattaǵy buıymdardyń jalpy qaldyǵy 15,5 mln birlikti quraıtynyn, bul qaladaǵy tapshylyq táýekelderin barynsha azaıtatynyn atap ótti. Sondaı-aq, kóterme jetkizýshiler men qalanyń bólshek saýda jelilerinde shamamen 2 aı merzimge jetkilikti qor bar.