10 tonnaǵa jýyq qant kóterme baǵamen 500 teńgeden, bólshek saýdada 530 teńgeden satyldy.
Almatynyń aýdandarynda demalys kúnderi ótetin jármeńkelerde qant qoljetimdi baǵamen satylady, dep habarlaıdy Almaty-akshamy.kz
Almaty ákimdigi qalalyq kásipkerlik jáne ınvestısıalar basqarmasy men «Almaty» SPK aýylsharýashylyq uıymy demalys kúnderi ótetin jármeńkelerde qantty kóterme jáne bólshek saýdada satýdy bastady.
«Pılottyq rejımde aksıa 16 shildede Almaty qalasynyń Medeý aýdanyndaǵy jármeńkede bastaldy, onyń barysynda 10 tonnaǵa jýyq qant kóterme baǵamen 500 teńge/kg, bólshek saýdada 530 teńge/kg satyldy. Jaqyn arada basqarma mundaı aksıalardy barlyq jármeńkelerde turaqty túrde ótkizýdi josparlap otyr», - delingen ákimdiktiń aqparatynda
Qazir qalanyń alty aýdanynda jármeńke ótýde. Bul rette basqarma Naýryzbaı jáne Alataý óńirlerinde aýyl sharýashylyǵy jármeńkeleri turǵyndar tarapynan suranys bolmaǵandyqtan, ótkizilmeı jatqanyn habarlady.
«Qantty jármeńke ótkizý kezinde ár oblysqa 10 tonnadan 60 tonnaǵa jýyq qant jetkizý josparlanýda. Jergilikti turǵyndar da, dúken ıeleri de qant satyp ala alady», - dep qosty ákimdik.
Sondaı-aq olar Almatydaǵy 1,6 myńǵa jýyq turmystyq dúkenderdi qamtamasyz etý úshin kúnine 40 tonnaǵa jýyq qant óndiris oryndarynan tikeleı ákelinetinin habarlady.