Almaty jylý jelileri jylý energıasy úshin mıllıardtaǵan qaryzdy tólemegen turǵyndardan sot arqyly óndirip alady. Osy úderis aıasynda múlikke jáne banktik shottarǵa jáne shetelge shyǵýǵa tyıym salynady. Sonymen qatar qaryzdy tolyq ótemeıinshe olarǵa ystyq sý berý toqtatylady.
Qaryz týraly birneshe ret eskertý alǵanyna qaramastan, tutynýshylardyń bir bóligi komýnaldyq qyzmetti jetkizýshiniń zańdy talaptaryn elemeýde. Bıyl jyl basynan beri Almatyda jylý energıasy úshin tólem jasamaǵan 600-den astam abonentke ystyq sý berý shektelgen. Sonymen qatar zańdy tulǵalarǵa sotqa deıingi 3345 talap jiberildi.
Jylýmen jáne ystyq sýmen jabdyqtaý úshin qaryzy bar 5184 turǵynnan qaryzdy óndirip alý boıynsha jumys júrgizildi. Ol úshin sotqa talap-aryz berildi, sondaı-aq notarıýstarǵa atqarýshylyq jazbalar jasaý úshin aryzdar jiberildi.
Búginde sot oryndaýshylary qaryzdy óndirip alý boıynsha is-sharalardy jalǵastyrýda. Komýnaldyq qyzmetke tólem jasamaǵan 1 754 boryshkerge qatysty shekteý sharalary qabyldandy:
* 926 boryshkerdiń múlkine tyıym salyndy (jyljıtyn jáne jyljymaıtyn);
* 822 banktik shot buǵattaldy;
* 254 boryshkerge qatysty Qazaqstan Respýblıkasynan tys jerlerge shyǵýǵa tyıym salyndy;
•144 azamattyń jalaqysy men ózge de tabysynan bereshek ustaldy.
Búginde Almaty jylý tutynýshylarynyń paıdalanǵan ystyq sý men jylý úshin jıyntyq qaryzy shamamen 2 mlrd teńge.
«Almaty jylý júıesi» JSHS qala turǵyndaryn jaýapkershilik tanytýǵa, qaryzdy jınamaı, jylýmen jabdyqtaý qyzmetin ýaqytyly tóleýge shaqyrady.