Oǵan qosa aýlasyna 6 túp qarasora ósirgen.
Polisia.kz-tiń málimetinshe, respýblıkalyq «Qarasora» is-sharasy aıasynda Medeý aýdanyndaǵy úılerdiń birinde 57 jastaǵy G. esimdi azamat ustaldy, dep habarlaıdy Almaty-akshamy.kz.
«Kúdiktiniń úıinen ruqsat etilgen tintý kezinde jalpy salmaǵy 23 keliden asatyn marıhýana esirtkisi tabylyp, tárkilendi. Úıdiń irgesindegi aýmaqtan da ózi ósirgen 6 túp qarasora tabyldy», – deıdi Ekstremızmge qarsy kúres basqarmasynyń bastyǵy Máýlen Qasymjan.
Atalǵan derek boıynsha QR QK-niń 297-baby 1-bóligine sáıkes sotqa deıingi tergeý amaldary bastaldy.
Tergeý QR QK-niń 300-baby 1-bóligine (Quramynda esirtki zattary bar ósimdikterdi zańsyz ósirý) sáıkes qosymsha qylmystyq is qozǵaý týraly máseleni sheship jatyr.