Batyrlardyń esimderi bizdiń júregimizde jáne jadymyzda máńgi saqtalady.
Almatylyq polıseıler qyzmettik boryshyn óteý barysynda qaza tapqan áriptesterin eske aldy, dep habarlaıdy Almaty-akshamy.kz Almaty qalalyq polısıa departamenti baspasóz qyzmetine silteme jasap.
Tártip saqshylary olarǵa Áýezov aýdandyq PD bazasynda eskertkish ornatty. Ashylý saltanatyna Almaty qalalyq polısıa departamentiniń basshylyǵy, ardagerler, polısıa qyzmetkerleri, sondaı-aq, Halyq Qaharmany Ǵazız Baıtasovtyń áıeli qatysty.
«Táýelsizdik jyldarynda Almaty polısıasynyń 70 qyzmetkeri qyzmettik mindetterin oryndaý barysynda qaza tapty, olardyń 32-si qylmyspen bitispes kúreste, beseýi Áýezov aýdandyq polısıa basqarmasynda qyzmet etti. Olardyń adaldyǵy men erligi tarıhta qalady, barlyq ýaqytta zańdylyq pen tártipti qamtamasyz etýde úlgili qyzmet kórsetýdiń úlgisi bolady jáne urpaqtan-urpaqqa mura bolyp qalady. Batyrlardyń esimderi bizdiń júregimizde jáne jadymyzda máńgi saqtalady», - dedi Almaty qalalyq polısıa departamentiniń bastyǵy Qanat Taımerdenov.
Sonymen qatar, PD basshysy dástúrli mereke qarsańynda erlikpen qaza tapqan taǵy bir otbasyna jáne polısıa qyzmetkeri Maqsat Dabylovqa bardy, ol 2011 jyldyń qarashasynda qylmyskerler-destrýktıvti dinı aǵym ustanýshylarynyń zańsyz áreketterin toqtatý kezinde qaza tapty.