Almatynyń patrúldik polısıa qyzmetkerleri adam ómirine arasha tústi.
Naýryzbaı aýdandyq polısıa basqarmasynyń kezekshi bólimine belgisiz er adam tórt qabatty úıdiń shatyrynda óz-ózine qol jumsamaq bolǵany týraly habarlama kelip túsken. Quramynda polısıa qyzmetkerleri Sembibaı Ergen men Ómirbek Nurlan bar Býran-263 patrúldik ekıpajy birneshe mınýttan keıin oqıǵa ornynda boldy, dep habarlaıdy Almaty-akshamy.kz.
Polisia.kz dereginshe, jergilikti turǵyn mas kúıinde áıelimen janjaldasyp qalǵan, sol sebepti ol aldymen ózin pyshaqpen kespek bolǵan. Degenmen, qannan qoryqqan ol qaraýsyz qalǵan ǵımaratqa baryp, shatyrǵa shyǵyp, sekirmek bolǵan. Oqıǵa ornyna jetken dárigerler er adamǵa alǵashqy medısınalyq kómek kórsetip, jaqyn mańdaǵy aýrýhanaǵa alyp ketti.
İs materıaldary jergilikti ýchaskelik ınspektorǵa tapsyryldy, ol birinshi kezekte er adamnyń otbasylyq-turmystyq jaǵdaıyn tekserip, ózin-ózi óltirýge ıtermelegen mán-jaılardy anyqtaıtyn bolady.