Abaı atyndaǵy Qazaq ulttyq opera jáne balet teatrynda Alberto Alonsonyń «Karmen súıtasy» baletiniń tusaýkeseri ótti
Almatyda Reseıdiń halyq ártisi, Úlken teatrdyń prıma-balerınasy, «La Skala» teatrynyń etýali Svetlana Zaharova óner kórsetti, dep habarlaıdy Almaty-akshamy.kz QazAqparatqa silteme jasap.
Ol Almatyǵa alǵash ret 2012 jyly qarashada kelgen bolatyn. Sol kezde ol Rýslan Skvorsovpen «Jızel» spektaklinde oınady.
«Maııa Plıseskaıa – ańyz adam. Men «Karmen – súıta» baletiniń premerasyn daıyndaý kezinde onymen biraz jumys isteý baqytyna ıe boldym. Bul onyń mereıtoılarynyń biri jáne Úlken teatrda atap ótildi. Sol kezde qoıylymǵa Alberto Alonsonyń ózi kelgen bolatyn. «Karmen súıta» - meniń ómirimdegi eń mańyzdy spektáklderdiń biri. Men ony kóptegen jyldar boıy álemniń ártúrli sahnalarynda bılep kelemin. Bul qoıylym áli de suranysqa ıe jáne kórermen ony qýana tamashalaıdy», - deıdi prıma-balerına.
Aıta keteıik, 2021 jyldyń 30-31 qazanynda Almatyda aty ańyzǵa aınalǵan Maııa Plıseskaıanyń 95 jyldyǵyna arnalǵan IV Halyqaralyq Ballet Globe, festıvali «Aqqý kóli» spektaklimen ashyldy. Ballet Globe festıvaliniń negizin qalaýshy Erlan Andaǵulovtyń aıtýynsha, festıváldiń basty maqsaty – halyqty balet óneriniń san qyrly álemimen: joǵary klasıkadan bastap zamanaýı horeografıalyq ónerdiń biregeı kartınalaryna deıin tanystyrý.
«Jyl saıynǵy festıvál keńinen tanymal. Bul festıvál álem juldyzdarynyń basyn qosady. IV Halyqaralyq Ballet Globe festıvali - shyn máninde tarıhı oqıǵa. Sonymen qatar, bizdiń ásem teatrymyzdyń sahnasynda bizdiń zamanymyzdyń eń jarqyn álemdik juldyzdarynyń biri Svetlana Zaharovanyń Almatyǵa kelýin baletsúıer qaýym kóp jyl kútti», - dedi ol.