Jeltoqsan aıynda Erevanda ótedi
Aqtóbede «Baqytty Bala» vokaldyq baıqaýy aıaqtaldy. Onda festıvál jeńimpazdary marapattalyp, Junior Eurovision baıqaýyna qatysatyn qazaqstandyq jas ónerpazdyń esimi belgili boldy, dep habarlaıdy Almaty-akshamy.kz QazAqparat-qa silteme jasap.
«Baqytty Bala» baıqaýy bıyl tórtinshi ret uıymdastyryldy. Oǵan álemniń birneshe elinen 21 jas ánshi irikteldi.
III oryn jáne 250 myń teńge júlde ıegerleri:
1. Aıaýlym Sabyr, Aqtóbe,
2. Iýlıa Maks, Almaty,
3. Elen Badalán, Armenıa,
4. Ialkı Saka, Túrkıa.
II oryn jáne 500 myń teńge júldege ıegerleri:
1. Mılan Pak, Ózbekstan,
2. Melanı Garse, Ispanıa. Ýlána Zarvaǵa buıyrdy.
Al İ oryn men 700 myń teńge júlde Aqtóbe (Qazaqstan) vokalısti Janerke Ábdirahmanova men Barnaýyldan (Reseı) kelgen Ýlána Zarvaǵa buıyrdy.
Sondaı-aq konsertte balalar Evrovıdenıesine joldama alǵan jas ónerpazdyń esimi belgili boldy. Konkýrsqa Qazaqstannyń atynan almatylyq jas vokalıst Davıd Charlın barady. «Habar» agenttigi «Junior Eurovision 2022» án baıqaýyn kórsetý quqyǵyna ıe ulttyq telehabar taratýshy retinde endi Davıd Charlındi jan-jaqty daıyndap, arnaıy án jazǵyzyp, jeltoqsan aıynda Erevanda ótetin konkýrsqa attandyrady.
Aıta keteıik, «Baqytty Bala» qatysýshylary, sondaı-aq dástúr boıynsha arnaıy syılyqtarǵa ıe boldy. «Kórermen kózaıymy» júldesin shymkenttik vokalıst Saǵyn Ómirbaıuly aldy. Mádenıet qaıratkeri Qanat Aıtbaevtyń «Dástúrge adaldyq» arnaıy júldesi men 200 myń teńgeni Qaskeleńnen kelgen Sherhan Arystan ıelendi. QR Eńbek sińirgen qaıratkeri Svetlana Aıtbaevanyń «Óner qarlyǵashy» syılyǵymen shymkenttik Eńlik Baızaq marapattaldy. «Daryn» memlekettik jastar syılyǵynyń laýreaty Rúhıa Baıdúkenovanyń 100 myń teńgelik arnaıy «Úmit» júldesi Danıar Dúısenbekovke buıyrdy. «Habar» agenttiginiń mýzykalyq prodúseri Jan Muqanov «Artısik sheberlik» arnaıy júldesi men 200 000 teńge syıaqyny polshalyq vokalıst Iýlıanna Kıtovaǵa berdi.
Dástúr boıynsha Dımash Qudaıbergen shyǵarmashylyǵynyń jankúıerleri de arnaıy syılyq daıyndaǵan. Nur-Sultan qalasynyń qatysýshysy Aqjarqyn Aıdosova Dears atynan 170 myń teńge aldy.