Medeý aýdanynyń polıseıleri birqatar urlyq jasady degen kúdikpen 34 jastaǵy T.esimdi azamatshany ustady.
Tergeý barysynda kúdiktiniń zańsyz baıý maqsatynda úılerdiń aýlasynda ornalasqan shaǵyn dúkenderge kirip júrgendigi anyqtaldy, dep habarlaıdy Almaty-akshamy.kz Polisia.kz-ke silteme jasap.
«Satýshylar kelýshilerge qyzmet kórsetýmen qoly bosamaı jatqanda, onyń áreketine eshkim qarap turmaǵan kezde, ol jábirlenýshilerdiń múlkin: uıaly telefondar, ámıan nemese basqa da qundylyǵy bar zattardy urlap ketken. Qazirgi ýaqytta ustalǵan azamatshanyń 5 bótenniń múlkin urlaýǵa qatysy bar ekendigi anyqtaldy. Qazir onyń jeke basy buryn jasalǵan osyndaı qylmystarǵa qatysynyń bar-joǵy tekserilýde. Bul derekter bir óndiriske biriktirilip, qylmystyq is QR QK-niń 188-baby 3-bóliginiń 2-tarmaǵy (Urlyq, ıaǵnı bótenniń múlkin birneshe ret jasyryn jymqyrý) boıynsha tergelýde», – dedi Medeý aýdandyq polısıa basqarmasynyń bastyǵy Dáýren Ótebaev.
Polısıa qyzmetkerleri qala turǵyndaryna júginedi. Osy adamnyń qylmystyq áreketinen zardap shekkenderdi, tártip saqshylary myna telefon nómirleri arqyly habarlasýdy suraıdy: 254-48-02; 254-48-10; 8-702-476-6660.