Buǵan deıin 1,5 mln-nan astam dozasy ákelingen.
Búgin Almatyǵa qosymsha jappaı ımmýndaý júrgizý úshin 500 myń doza mólsherinde qyzylshaǵa, qyzamyqqa jáne parotıtke qarsy vaksına (QQP) ákelindi, dep habarlaıdy Almaty-akshamy.kz QR Densaýlyq saqtaý mınıstrligine silteme jasap.
QR Densaýlyq saqtaý mınıstrligi halyqty ımmýndaý úshin vaksınanyń qosymsha kólemin satyp alýdy pysyqtady. Jalpy, qosymsha jappaı ımmýndaý júrgizý úshin QQP-ǵa qarsy vaksınanyń 1,5 mln.astam dozasy satyp alyndy.
Kelgen vaksına jedel tártipte QR DSM SEBK-niń bólýine sáıkes el óńirlerine jiberiletin bolady. Biryńǵaı dıstrıbútor ımmýnobıologıalyq preparattardyń logıstıkasyn barlyq GMP jáne GDP standarttaryn, sondaı-aq "sýyqtyq tizbegini"saqtaı otyryp júzege asyrady.
Vaksınasıalaý úshin "Serum Institute of India" shyǵarǵan qyzylshaǵa, qyzamyqqa jáne parotıtke (QQP) qarsy aralas vaksına qoldanylady. Bul vaksınany óndirýde óndiriletin vaksınalardyń sapasy men qaýipsizdigine kepildik beretin DDU aldyn ala biliktiligi bar. Qyzylshaǵa qarsy vaksına 60 jyl boıy qoldanylyp keledi jáne aýrýdyń taralýyn toqtatý úshin usynylady.
Bıyl elde qyzylshamen syrqattanýshylyq boıynsha qolaısyz epıdemıologıalyq jaǵdaı baıqalady.
Qyzylsha – ınfeksıanyń taralýy aýa tamshylary arqyly bolatyn juqpaly vırýstyq ınfeksıalardyń biri. Qyzylshamen aýyrmaǵan jáne oǵan qarsy egilmegen adamdar ómir boıy qyzylshaǵa óte sezimtal bolyp qalady jáne kez kelgen jasta aýyryp qalýy múmkin.
Densaýlyq saqtaý mınıstrligi el halqynyń arasynda qyzylshamen syrqattanýshylyqtyń odan ári taralýynyń aldyn alý maqsatynda aǵymdaǵy jyldyń 6 qarashasynan bastap qyzylshaǵa qarsy qosymsha jappaı ımmýndaýdy bastady.
Birinshi kezekte 6 aıdan 11 aıǵa deıingi balalar ımmýndaýǵa jatady. Jeltoqsannan bastap egý mártebesine qaramastan 2 jastan 5 jasqa deıingi balalardy, medısına qyzmetkerlerin (55 jasqa deıin), sondaı-aq profılaktıkalyq egýdi ótkizip alǵan 18 jasqa deıingi adamdardy qyzylshaǵa qarsy qosymsha ımmýndaý josparlanýda.
Qyzylshaǵa qarsy profılaktıkalyq egý kúntizbesine sáıkes bizdiń elde josparly túrde eki ret egiletinin: bala alǵashqy egýdi 12-15 aılyǵynda, ekinshisin - 6 jasynda alatynyn esterińizge sala keteıik.