Bul týraly qala ákimdiginiń baspasóz qyzmeti málimdedi.
Almatyda buryn "Saıahat" avtovokzaly ornalasqan aýmaqta turǵyn úı kesheni salynýy múmkin, dep habarlaıdy Almaty-akshamy.kz
Sheneýnikterdiń aıtýynsha, qazirgi ýaqytta avtovokzal jeri memleket menshiginde emes. Birneshe jyl buryn ony jeke kompanıa satyp alǵan.
"Jer ýchaskesiniń ıesi 2018 jylǵy 1 qazandaǵy satyp alý-satý sharty negizinde Sayahat Realty JSHS sanalady. Jer teliminiń nysanaly maqsaty - komersıalyq úı-jaılary men jerasty avtoturaǵy bar kóp fýnksıonaldy turǵyn úı kesheni.
Qazirgi ýaqytta alań qorshalǵan, qurylys-montaj jumystary júrgizilmeıdi. Joba aldyndaǵy qujattamanyń tolyq paketi joq", - dedi qala qurylysyn baqylaý basqarmasy ókilderi.
Buǵan deıin almatylyqtar "Saıahat" avtovokzaly aýdanyndaǵy shekteýlerge shaǵymdanǵan bolatyn. Olardyń aıtýynsha, qalanyń qaq ortasynda bes gektar aýmaq temir qorshaýmen qorshalǵan jáne avtoturaqqa ruqsat joq.