Qalada 85 vaksınasıa pýnkti bar ekenin, quramynda 313 adam bar 99 ekpe brıgadasy jumys istedi.
Almatyǵa jumys saparymen QR Premer-Mınıstriniń orynbasary Eraly Toǵjanov keldi, dep habarlaıdy Almaty-akshamy.kz QazAqparatqa silteme jasap.
Vıse-premer qaladaǵy epıdemıologıalyq jaǵdaı boıynsha keńes ótkizdi.
Jıyn barysynda Almaty qalasy ákimniń orynbasary Ásem Núsipova halyqty vaksınalaý barysy týraly baıandama jasady.
«Qalada vaksına alýǵa tıis halyqtyń sany - 1 313 040 adam. 2021 jyldyń aqpan aıynan búginge deıin vaksınanyń 1 komponentimen 1 228 761 adam, 2 komponentpen 1 194 146 adam egildi. 2021 jyldyń qarasha aıynan búginge deıin revaksınasıadan 499 043 adam ótti. Búgingi kúnge Pfizer vaksınasymen 117 554 adam egildi», - dedi qala ákiminiń orynbasary.
Ol sondaı-aq qalada 85 vaksınasıa pýnkti bar ekenin, quramynda 313 adam bar 99 ekpe brıgadasy jumys isteıtinin jetkizdi.
«Vaksınanyń barlyq túriniń osy aıǵa qalǵan qaldyǵy boıynsha 1 komponentke — 64 094 doza, 2 komponentke — 90 605 doza, revaksınasıaǵa — 103 543 doza bar. Jalpy, 258 242 doza bar», - dep atap ótti Ásem Núsipova.