Baıqaý jeńimpazdaryna syılyqtar berildi.
Áýezov aýdanynyń ákimi Saıran Saıfedenov aýdan pedagogtaryn kásibı merekelerimen quttyqtap, Alǵys hattar tabys etti, dep habarlaıdy Almaty-akshamy.kz.
İs-sharaǵa pedagogıkalyq eńbek ardagerleri, muǵalimder men bilim berý uıymdarynyń basshylary qatysty.
Merekelik shara barysynda aýdan basshysy «Qazaqstan muǵalimi 2021» ulttyq syılyǵynyń ıegeri Alla Býrenkovaǵa jáne birinshi oryn alǵan «Táýelsiz eldiń tálimdi ustazy» baıqaýynyń jeńimpazdary Mánshúk Túktibaevaǵa, 2 oryn ıegeri Janar Satymbaevaǵa jáne 3 oryn alǵan Ásel Novıkske estelik syılyqtar men Alǵys hat tabys etti, dep jazdy aýdan ákimdiginiń ınstagramdaǵy resmı paraqshasynda.
Saıran Saıfedenov pedagogtar jer betindegi eń asyl mısıany – óskeleń urpaqty tárbıeleý men oqytýdy oryndaıtynyn atap ótti.