Ortalyq qalalyq klınıkalyq aýrýhana bazasynda Reseıden kelgen áriptesterdiń, atap aıtqanda, sáýlelik dıagnostıka bóliminiń meńgerýshisi Natalá Rýbsovanyń jáne RF Máskeý qalasy DM «Radıologıa UMZI» FGBÝ fılılalynyń P.A.Gersen atyndaǵy KT jáne MRT bólimshesiniń rentgenolog-dárigeri Aleksandra Golbıstiń, Reseı jáne TMD boıynsha MRT GE Healthcare departamentiniń medısına keńesshisi, Túmen qalasynyń rentgenolog-dárigeri Igor Krymskoıdyń jáne basqalardyń qatysýymen tórt kúndik halyqaralyq ǵylymı-tájirıbelik konferensıa ótti, dep habarlaıdy Almaty-akshamy.kz.
Almaty qalasy Qoǵamdyq densaýlyq saqtaý basqarmasy baspasóz qyzmetiniń habarlaýynsha, konferensıaǵa Qazaqstannyń sáýlelik dıagnostıka dárigerleri men rezıdent dárigerler qatysty.
Mamandar ýrologıa jáne gınekologıa salalarynda túrli aýrýy bar pasıentterdi emdeýdiń durys ádisin irikteý, júrgiziletin zertteý sapasynyń krıterııleri boıynsha saýaldardyń keńeıtilgen spektrlerin qarastyrdy.
«Nesep-jynys júıeleri organdary isikterin dıagnostıkalaýda tıimdilik kórsetkishteri boıynsha magnıttik-rezonanstyq tomografıa jáne kompúterlik tomografıa últradybystyq ádisten aıtarlyqtaı basym bolyp keledi. İsiktik óskinder, olardyń qaterli bolýy, kórshiles organdarǵa metastazdaý, tindegi óskinder ınvazıasy MRT jáne KT-da jaqsy kórinedi. Atalmysh tomografıalar nesep-jynys júıesi organdary isikteriniń ósý sıpattamasy týraly talqylaýǵa jáne keıbir jaǵdaılarda olardyń morfologıalyq qurylysy týraly aıtýǵa múmkindik berdi. Tomogrammalarda isik barysynyń jergilikti taralýyn anyqtaý, sonyń ishinde, tamyrlardyń ósýi, lımfatıkalyq túıirshikterge metastazdaýyn anyqtaýǵa bolady. Kezeń-kezeń zertteýdiń sáýlelik ádisteriniń qorytyndylaryn derekteý jáne zertteý júrgizý standarttary, jiktelýi qarastyryldy. Atalǵan ózgeristerdi bilý, halyqaralyq mamandarmen is-tájirıbemen almasý patologıalardy dıagnostıkalaý ebin ońtaılandyrady. Sonymen qatar, konferensıa barysynda basqa da aýrýlar boıynsha týyndaǵan saýaldar qarastyryldy»,- dep bólisti OQKA sáýlelik dıagnostıka bólimshesiniń meńgerýshisi Alıma Tóremýratova.
Ortalyq qalalyq klınıkalyq aýrýhana óz kezeginde konferensıany ótkizý jáne uıymdastyrýda kómek kórsetkeni úshin S.D.Asfendıarov atyndaǵy QazUMÝ-dyń «Vızýaldyq dıagnostıka» kafedrasyna alǵysyn bildiredi.