B. esimdi azamat buryn da birneshe ret sotty bolǵan.
Almatynyń jeke sektorynda urlyq jasap júrgen kúdikti anyqtaldy, dep habarlaıdy Almaty-akshamy.kz Polisia.kz-ke silteme jasap.
38 jastaǵy oblys turǵyny Almaty turǵyndarynyń úıine tańǵy saǵat 04:00-05:00 aralyǵynda kirip júrgen. Úı ıeleriniń uıyqtap jatqanyn paıdalanyp, er adam olardyń úıinde «ıelik» etip júrgen.
«Shaqyrylmaǵan qonaq» qorshaýdan sekirip ótip, aýlaǵa kirip ketken. Onyń ústine ol tórt aıaqty kúzetshisi joq úılerdi tańdady: ıtteri bar úılerdi aınalyp ótip júrgendigi belgili boldy. Túngi ýaqytta keıbir adamdardyń úıiniń esikteri jabylmaıdy eken. Bul faktor qaskóı úshin jaqsy boldy. Bóten bireýdiń úıinen ol telefon, aqsha, zergerlik buıymdardy izdegen. Jeńil jolmen aqsha tabýdy unatatyn adamdy bizdiń bólimsheniń krımınaldyq polısıa qyzmetkerleri ustady. Qazirgi ýaqytta onyń qatysýymen tórt qylmystyq epızod anyqtaldy. Páterden tonaý derekteri budan da kóp bolýy múmkin ekenine senimdimin – bul nusqa qazir muqıat tekserilip jatyr», – dedi Naýryzbaı aýdandyq polısıa basqarmasynyń bastyǵy Danıar Meńdebaev.
Sonymen qatar spıker B.esimdi azamattyń bótenniń múlkine qumarlyǵy úshin buryn birneshe ret sotty bolǵandyǵyn aıtty.