Bul joly da Almaty qalasy Medeý aýdanyna qarasty 83-ÝPP ýchaskelik ınspektory erekshelendi.
Ol osydan birneshe kún buryn áriptesterimen birge Shymbulaqta saıǵa qulap ketken almatylyq azamatty aman alyp qalǵan bolatyn, dep habarlaıdy Almaty-akshamy.kz Polisia.kz-ke silteme jasap.
«Meniń uıaly telefonyma baý-baqsha seriktestikteriniń biriniń turǵynynan kórshisiniń 4-5 kúnnen beri úıden shyqpaıtyny týraly habarlama kelip tústi. Men onyń ápkesin taptym, úıge birge bardyq, ol taýly jerde ornalasqan. Kireberis esiktiń qulpyn syndyrdyq. Egde jastaǵy áıel edende qımylsyz jatty, úsik shalý belgileri anyq baıqaldy. Kórshisimen birge áıeldi tómenge qaraı abaılap túsirdik, "jedel járdem" kelgenshe azamattyq kólikke otyrǵyzdyq, sodan keıin dárigerler ony ári qaraı aýrýhanaǵa jatqyzýǵa alyp ketti», – dedi ýchaskelik ınspektor Asqat Rysbekov.
Keıin belgili bolǵandaı, 69 jastaǵy áıel qulap qalyp, ózdiginen tura almaı qalǵan. Ol tórt kún boıy qımylsyz jatqan. Qazir dárigerler áıeldiń ómiri úshin kúresip jatyr.